நியாயாதிபதிகளின் காலம்

நாற்பது ஆண்டுகளுக்கு மேலாக வனாந்திரத்தில் சுற்றித் திரிந்த இஸ்ரவேல் மக்கள் யோர்தான் நதியைக் கடந்து கானான் தேசத்தை வந்தடைந்தார்கள். அவர்களை நடத்தி வந்த யோசுவா பல யுத்தங்களை நடத்தி வெற்றி கண்டு கானான் தேசத்தை இஸ்ரவேலரின் 12 கோத்திரத்தாருக்கும் பங்கிட்டுக் கொடுத்திருந்தான். தேவன் தம்முடைய ஜனங்களுக்கு பாலும்ஈ தேனும் ஓடுகின்ற தேசத்தைக் கொடுத்ததுமட்டுமின்றி தம்மை ஆராதிக்கவும், சேவிக்கவும் வழிமுறைகளை ஏற்படுத்திக் கொடுத்தார்.

ஆரம்பத்தில் ஆர்வம் கொண்டிருந்த இஸ்ரவேலர் தொடர்ந்து அவர் காட்டிய பாதையில் செல்லவில்லை. மாறாக, அவர்களோடு கூட வாழ்ந்து கொண்டிருந்த பிற இனத்தவரோடு ஒன்றுபட்டு வாழவே கற்றுக் கொண்டார்கள். அந்த இனத்தவரோ விக்கிரகங்களை வணங்கி, வழிபாட்டின் அம்சங்களாக காமகளியாட்டத்தையும், குழந்தைகளைப் பலியிடுவதையும் வழக்கமாக கொண்டிருந்தனர்.

மலைப் பாங்கான பகுதிகள் இஸ்ரவேலரின் வசம் இருந்தன. ஆனால், பள்ளத்தாக்குகள் பிற இனத்தவரின் கட்டுப்பாட்டுக்குள் இருந்தபடியால், இஸ்ரவேலரின் கோத்திரங்கள் ஒன்றிலிருந்து ஒன்று பிரிக்கப்பட்டிருந்தன. இவ்வாறு தனிமைப்படுத்தப்பட்ட ஒவ்வொரு கோத்திரத்தாரும் தனிப்பட்ட முறையில் செயல்படத் துவங்கினார்கள்.

தேவனை ஆராதித்ததுமட்டுமின்றி அவர்கள் பாகாலையும் வழிபட்டார்கள். பன்னிரண்டு சகோதரர்களின் சந்ததியினராக இருந்தபோதிலும், அந்நிய ஜனங்களோடு போர் செய்வதைவிட தங்களுக்கிடையே சண்டை போடவே அதிக நேரம் செலவழித்தார்கள்.

தேவனுடைய ஜனங்கள் அவருடைய பாதையில் நடக்காமல் மீறி நடந்தால் என்ன விளைவுகள் ஏற்படும் என்பதை அறியவும், தேவனுடைய கிருபைகள் இதன் நடுவே எப்படி செயல்பட்டது என்பதையும் நியாயாதிபதிகளின் காலங்களிலிருந்து நாம் அறியலாம்.

இஸ்ரவேலை நியாயம் விசாரித்த நியாயாதிபதிகள்: