ஆசரிப்புக்கூடார ஜெபம்

Mrhpg;Gf;$lhu n[gk;

பலிபீடம்: கிறிஸ்து நமக்காக கல்வாரி சிலுவையில் பலியாக ஒப்புக் கொடுக்கப்பட்டதைக் காட்டுகிறது

ஜெபம்:        தேவனே இயேசுகிறிஸ்துவின் இரத்தத்திற்காக உம்மை துதிக்கிறேன். ஆண்டவரே! சிலுவையில் நீர் சிந்தின இரத்தத்தின் மூலம் நான் பாவ மன்னிப்பு பெற்று இருக்கிறேன். ஆண்டவரே! உமது இரத்தத்தை தொழுது கொள்கிறேன். இயேசுவே! உமது இரத்தத்தை நேசிக்கிறேன். பாவம் செய்து உமக்கு தூரமாக இருந்தேன். இப்போது உமது இரத்தத்தின் மூலம் ஒப்புரவாகியிருக்கிறேன்.

கல்வாரி சிலுவையில் என் நோய்களையும் பெலவீனங்களையும் சுமந்து விட்டீர். சிந்தப்பட்ட இரத்தத்தினால் குணமானேன். நான் இன்றைக்கு ஆரோக்கியமாக இருக்கிறேன். எத்தனையோ பயங்கர நோய்களுக்கு என்னை விலக்கி காத்திருப்பதற்காக ஸ்தோத்திரம்.

என்னுடைய எல்லா சாபங்களையும் சிலுவையில் ஏற்றுக் கொண்டீரே ஸ்தோத்திரம். ஆண்டவரே நான் ஆசீர்வதிக்கப்பட்டவனா(ளா)க வாழ நீர் சிலுவையில் தரித்திரரானீர். அப்பா உம்முடைய இரத்தத்தின் மூலம் நான் ஆசீர்வதிக்கப்பட்டவ(ள்)ன். ஆண்டவரே! இன்றைக்கு மற்றவர்களுக்கு ஆசீர்வாதமாக இருக்கப் போகிறேன். என் துக்கங்களை சிலுவையில் சுமந்து கொண்டதற்காக ஸ்தோத்திரம்.

இயேசப்பா! உமது இரத்தத்தினாலே மரணத்திலிருந்த நான் ஜீவனைப் பெற்று இருக்கிறேன். பாதாளத்தையும் மரணத்தையும் சிலுவையில் மேற்கொண்டதற்காக உம்மை துதிக்கிறேன். பிதாவே! அந்தகார ராஜ்யத்திலிருந்த என்னை கிறிஸ்துவின் இரத்தத்தினாலே உமது இராஜ்யத்திற்கு நேரே கொண்டு வந்தீரே ஸ்தோத்திரம். பரலோக வாழ்வை நினைத்து சந்தோஷப்படுகிறேன். மகிழ்ச்சியடைகிறேன்.

இயேசு கிறிஸ்துவின் இரத்தத்தினாலே ஜெயம் கொடுக்கும் தேவனுக்கு ஸ்தோத்திரம். இயேசுவின் இரத்தம் ஜெயம். அப்பா! உம்முடைய இரத்தத்தில் மிகுந்த வல்லமை உண்டு. இயேசுவே! உம்முடைய பரிசுத்த இரத்தத்தில் மிகுந்த வல்லமை உண்டு. இயேசுவே! உம்முடைய பரிசுத்த இரத்தத்தில் உள்ள அற்புதத்தின் வல்லமைக்காக நன்றி. ஆண்டவரே! இன்றைக்கு அற்புதத்தை எதிர்பார்க்கிறேன். உம்மால் கூடாதவை ஒன்றுமில்லை.

ஆண்டவரே! உம்முடைய இரத்தத்திற்கு முன்பாக சாத்தான் தோற்கடிக்கப்பட்டவன். இயேசுவின் வல்லமையினாலே சாத்தானின் கிரியைகளை இன்றைக்கு அழிக்கிறேன். என் வாழ்க்கையில், என் குடும்பத்தில் கிரியை செய்கிற பொல்லாத வல்லமைகளை இயேசுவின் நாமத்தில் கட்டுகிறேன். விசுவாசத்தில் உறுதியாயிருந்து பிசாசுக்கு எதிர்த்து நிற்கிறேன். என் ஊரில் உள்ள ஜனங்களை வஞ்சிக்கிற பொல்லாத ஆவியை இயேசுவின் இரத்தத்தால் நிர்மூலமாக்குகிறேன். ஆண்டவரே! ஜனங்கள் உம்முடைய அன்பை அறிந்து உம்மை பின்பற்றட்டும்.

பாடல்: 127. இரத்தம் ஜெயம் 113. இரத்தக் கோட்டைக்குள்ளே மற்றும் கல்வாரி பாடல்கள் பாடுங்கள்

****************

ஆசரிப்புக்கூடார தண்ணீர் தொட்டி ஜெபம்

இது நம்மை சுத்திகரித்துக் கொள்வதற்கு அடையாளமாக உள்ளது. இங்கு உங்களுடைய பரிசுத்தத்திற்கு அதிகம் ஜெபியுங்கள். தேவசமூகத்தில் நீண்ட நேரம் இருப்பதால் பரிசுத்த ஜீவியத்தில் வளர முடியும். நம் ஆண்டவர் பரிசுத்தர். ஆகையால் நாமும் பரிசுத்தராய் வாழ வேண்டும்.

ஜெபம்:  ஆண்டவரே! என்னை சுத்திகரித்து நீதிமானாக்கும். நீதிமானாய் வாழ என்னில் எந்தவித தகுதியும் இல்லை. இன்றைக்கு பொய் பேசாமல் உண்மை சொல்ல உதவி செய்யும். என்னை பரிசுத்தப்படுத்தும். உமக்குப் பிரியமானதை செய்ய எனக்கு உதவி செய்யும். கீழ்படிதல் உள்ளவனா(ளா)க மாற்றும். அசுத்த எண்ணங்களில் இருந்து என்னை விடுவியும். கண்களின் இச்சை, மாம்ச இச்சை, உலக தன்மைகளில் இருந்து என்னை விடுவியும். மற்றவர்களுக்கு சாட்சியாய் வாழ உதவி செய்யும்.

நான் மன்னிக்க வேண்டியவர்களை மன்னிக்கும் இருதயத்தைத் தாரும். பகைமை உணர்வை என்னில் நீக்கும். அன்பு காட்ட வேண்டியவர்களிடம் அன்பு காட்ட உதவி செய்யும். சாந்த குணத்தைத் தாரும். என் நாவு உமக்குப் பிரியமானதை மட்டும் பேசட்டும். என் நாவை அடக்க உதவி செய்யும்.

ஆண்டவரே! தாழ்மையின் இருதயத்தைத் தாரும். பெருமை என்னை விட்டு நீங்கட்டும். மற்ற தேவ பிள்ளைகளுடன் சேர்ந்து ஜெபிக்க, ஊழியம் செய்ய ஒருமனதின் ஆவியைத் தாரும். நான் எழுந்தாலும் நடந்தாலும் நீர் என்னைப் பார்க்கின்றீர். உமக்கு பயந்து வாழும் சுபாவத்தைத் தாரும்.

ஆண்டவரே! பேராசையில் இருந்து எனக்கு விடுதலை தாரும். என்னை பரிசுத்தப்படுத்தும். இன்றைக்கும் மற்றவர்கள் இருதயத்தை வேதனைப்படுத்தாதபடி காத்துக் கொள்ளும். என் ஆவி, ஆத்துமா, சரீரத்தை பரிசுத்தப்படுத்தும். இன்று எனக்கு மரணமோ உமது வருகையோ எது இருந்தாலும் பரலோக ராஜ்ஜியத்திற்கு எடுத்துக்கொள்ளப்பட எனக்கு உதவி செய்யும். இயேசுவே! உமது இரத்தத்தால் கழுவி சுத்திகரியும். இந்த ஜெபத்தை வார்த்தையாய் சொல்லி கடந்து போகாமல் உண்மையாகவே இன்றைக்கு நிறைவேற்ற உதவி செய்யும்.

ஆசரிப்புக்கூடார குத்துவிளக்கு ஜெபம்

பரிசுத்த ஆவியின் வெளிச்சத்தைக் காட்டுகிறது. இது பரிசுத்த ஆவியின் அடையாளமாக இருக்கிறது. பரிசுத்த அவியின் அபிஷேகம் இல்லாமல் நாம் வெளிச்சம் தர முடியாது.

ஜெபம்:  பரிசுத்த ஆவியானவரே! உமக்கு முன்பாக நிற்கிறேன். நான் உம்மை ஏற்றுக் கொள்கிறேன். உம்முடைய அபிஷேகத்தின் வல்லமையை விசுவாசிக்கிறேன். நீங்கள் இல்லாமல் என்னால் ஒன்றும் செய்ய முடியாது. உம்முடைய அக்கினியின் வெளிச்சத்தை என்னில் பிரகாசிக்க ஜெபிக்கிறேன். பரிசுத்த ஆவியானவரே உம்மை நேசிக்கிறேன். அன்பான ஆவியானவரே உம்மை ஆராதிக்கின்றேன். நீர் என் மூத்த பங்குதாரர். உம்மோடு ஆழமான ஐக்கியம் வைத்து உமக்கு கீழ்ப்படிந்து நடக்க விரும்புகிறேன்.

பரிசுத்த ஆவியானவரே! நீர் ஞானம் உடையவர். நான் ஞானத்தில் குறைவுள்ளவன்(ள்). உம்முடைய ஞானத்தைத் தாரும். ஆவியானவரே நீர் தெளிவைத் தருகிறீர். நான் தெளிவு உடையவனா(ளா)க வாழ உதவி செய்ய வேண்டுகிறேன். ஆவியானவரே! நீர் புத்தி சொல்கிறவர். எனக்கு புத்தி சொல்லி போதிக்கும்படி ஜெபிக்கிறேன். ஆவியானவரே! நீர் வல்லமை தருகிறீர். நான் இவ்வல்லமையில் நிறைந்து இருக்க உதவி செய்யும். ஆவியானவரே நீர் தேவ அறிவைத் தருகிறீர். தேவனை அறிகின்ற அறிவிலே வளர வாஞ்சிக்கின்றேன்.

ஆவியானவரே! நீர் பயபக்தியைத் தருகிறீர். கர்த்தருக்குப் பயப்படும் பயத்தை எனக்குத் தாரும். பரிசுத்த ஆவியானவரே! உம்முடைய அபிஷேகம் என்மேல் இருப்பதற்காக ஸ்தோத்திரம். நீர் என் உள்ளான மனுஷனை வல்லமையாய் பெலப்படுத்துகிறவர், என்னை பலப்படுத்தும். தேவ ஆவியானவரே! உம்மை துக்கப்படுத்தும் எல்லா தீமையான காரியங்களையும் வெறுக்கிறேன். சுத்த இருதயத்தை என்னிலே சிருஷ்டியும். நிலைவரமான ஆவியை என் உள்ளத்திலே புதுப்பியும். ஜெபிக்க, ஊழியம் செய்ய, சபைகூடுதலை விட்டுவிடாமல் இருக்க உற்சாகத்தின் ஆவியைத் தாரும்.

பிதாவே! நான் உம்முடைய ஆவியயானவரை அலட்சியப்படுத்தி இருக்கிறேன். நீர் சிங்காசனத்தில் இருக்கிறீர். இயேசு கிறிஸ்துவோடு சேர்ந்து கிரியைகளை நடப்பித்தீர். இதுவரை நான் உம்மை வரவேற்கவில்லை. நான் உம்மை தவறாக புரிந்து நடந்திருக்கிறேன். இதுவரை நான் உம்மை நேசிக்கவில்லை. நான் உம்மை சார்ந்து வாழவில்லை. மன்னியும். பரிசுத்த ஆவியானவரே! நீர் இல்லாமல் நான் ஒன்றும் செய்ய முடியாது.

அன்பின் ஆவியானவரே! நான் உம்மை வரவேற்கிறேன். நான் உம்மை நேசிக்கிறேன். நான் உம்மை ஆராதிக்கிறேன். நான் உம்மை சார்ந்து கொள்கிறேன். என்னை அபிஷேகியும். நாம் சேர்ந்து வாழ்வோம். நீர் இன்னொரு தேற்றரவாளன். உம்மை பணிந்து கொள்கிறேன்.

ஆசரிப்புக்கூடார சமூகத்தப்பம் ஜெபம்

தேவனுடைய வார்த்தைக்கு அடையாளமாக இருக்கின்றது. நேற்று வேதத்தை வாசித்து விட்டு இன்று வாசியாமல் இருக்கலாம் என்று நினைக்கக் கூடாது. தினமும் ஒரு அதிகாரம் வாசிக்க வேண்டும்.

ஜெபம்:  ஆண்டவரே! உமது ஜீவ வார்த்தைக்காக வாஞ்சித்து இருக்கிறேன். வேத வசனத்தை நேசிக்கின்றேன். வேதவசனத்தை கற்றுக் கொள்ள வாசிக்க உதவி செய்யும். வேதவசனத்திற்காக நன்றி சொல்கிறேன். 

வேதவசனத்தை விசுவாசிக்கவும் அதன்படி நடக்கவும் உதவி செய்யும். சூடான ஜீவிக்கின்ற அப்பத்தைத் தாரும். என் உள்ளத்தில் வேதவசனத்தை தாரும். வேதவசனத்தை எனக்கு போதியும். மனக்கண்ணை திறந்தருளும். வேதவசனத்தை தியானித்து நீர் சொல்கிற சத்தத்தை கேட்க உதவி செய்யும்.

ஆசரிப்புக்கூடார தூபபீடம் ஜெபம்

கர்த்தரைத் துதித்து ஆராதிக்கின்ற இடம். இங்கு பிதாவை தொழுதுகொள்ள சமயம் எடுக்க வேண்டும். பரிசுத்த ஆவியால் நிரம்பி, அந்நிய பாஷைகளில் ஆராதிக்க நேரம் எடுக்க வேண்டும். ஆண்டவருடைய நாமங்களைச் சொல்லி ஆராதனை செய்ய வேண்டும்.

ஜெபம்:  ஆண்டவரே! வானத்திலும் புமியிலும் பெரியவர் நீர். நீர் சர்வ வல்லவர். உம்மை ஆராதிக்கின்றேன். நீர் என்னை இரட்சித்தீர். ஆண்டவரே! உமக்கே எல்லா கனமும், மகிமையும் செலுத்துகிறேன். ஆண்டவரே! நீர் இருக்கிறவராகவே இருக்கின்றீர். நேற்றும் இன்றும் என்றும் மாறாதவர்.

பாடல்கள்: ஆராதனை பாடல், அபிஷேகப் பாடல் பாடி அபிஷேகத்தோடு பாடுங்கள்.

ஆசரிப்புக்கூடார உடன்படிக்கை பெட்டி ஜெபம்

மகா பரிசுத்த ஸ்தலத்தில் திரை நீக்கப்பட்டு இருக்கிறது. உள்ளே உடன்படிக்கை பெட்டியைப் பார்க்கிறோம். இது ஆண்டவரோடுள்ள உடன்படிக்கையை காட்டுகிறது.

ஜெபம்:  உடன்படிக்கை இரத்தத்தின் மூலம் நித்தியமாக என்னை மீட்டுக் கொண்டீர். உடன்படிக்கை மூலம் நித்திய உயிர்த்தெழுதலை வாக்குப் பண்ணியுள்ளீர். இந்த உடன்படிக்கை மூலமாக நான் நித்தியமாக உமக்குப் பிரியமானவன்(ள்). உடன்படிக்கை மூலம் நித்திய வாக்குத்தத்தங்களும் நித்திய வரங்களும் கொடுத்துள்ளீர் இந்த உடன்படிக்கை இரத்தத்தின் மூலம் முற்றிலும் ஜெயம் கொள்கிறவனாக(ளா)க இருக்கின்றேன்.

குறிப்பு:

தேவ சமூகத்தில் நேரடியாய் வந்து விட்டபடியால் இப்போது தேவனிடத்தில் உங்கள் தேவைகளுக்காக நேரடியாக கேட்கலாம். அன்றாட தேவைகளுக்காக தாராளமாக கேட்கலாம். உங்கள் தேவைகள், குடும்பம், வேலை, படிப்பு இவைகளுக்காகவும் சபைக்கு தேவத்திற்கு எழுப்புதல் உண்டாக ஜெபிக்கவும். ஜெபித்து இந்த இடத்தில் ஜெபத்தை முடிக்கவும்.

தொகுப்பு: சங்கை. பால் யாங்கி சோ – தென் கொரியா

நன்றி: "இயேசுவின் இராஜ்யம் வருவதாக" பத்திரிக்கையிலிருந்து... (சங்கை.ஜி.டி.பென்னட்)

எது தாய் மதம்? கிறிஸ்தவர்களாகிய நாங்கள் ஏன் அதற்கு திரும்ப வேண்டும்.??

 

இந்து மதம் என்பது ஆரிய அடிமைத்தனம் ஆகும். ஆரியர்களுக்கு அடிமைகளாயிருந்து விடுதலை பெற்றவர்கள் மீண்டும் அதே அடிமைத்தனத்திற்கு திரும்புவதற்கு நாங்கள் என்ன முட்டாள்களா?

யார் இந்த ஆரியர்கள்? ஆரியர்கள் என்று ஒரு குறிப்பிட்ட கூட்டம் அல்ல. மேற்கு ஐரோப்பாவிலிருந்து பல்வேறு காலகட்டங்களில் கைபர், போலன் கணவாய் வழியாக இந்தியாவில் நுழைந்த ஆடுமேய்க்கிற கூட்டம் தான் இந்த ஆரியர்கள். இவர்கள் வரலாற்றில் பல்வேறு கால கட்டங்களில் வந்தவர்கள்.

பாரசீகர்- (கி.மு. 6 ஆம் நூற்றாண்டு) 
கிரேக்கர் (கிமு 4 ஆம் நூற்றாண்டு) 
சகர் (கிமு 2 ஆம் நூற்றாண்டு) 
குஷாணர் (கிபி 1 நூற்றாண்டு) 
ஹீனர் (கிபி 4 நூற்றாண்டு) 
ரோமர் (கிபி 4 ஆம் நூற்றாண்டு) - இவர்கள் எல்லாருமே பொதுவாக ஆரியர்கள் என்று அழைக்கப்படுகிறார்கள்.

திராவிடர்கள் சிந்து நதி கரையோரம்வாழ்ந்தவர்கள் நாகரீகத்திலும், கலாச்சாரத்திலும் சிறந்து விளங்கியவர்கள். ஆனால் ஆடு மேய்க்கிற இந்த ஆரிய கூட்டம் திராவிட கலாச்சார பண்பாடுகளை ஒழிப்பதையே முக்கிய நோக்கமாக கொண்டு அதில் வெற்றியும் பெற்றிருக்கிறார்கள். 

திராவிடர்கள் இயற்கையை (மழை, காற்று, சூரியன், சந்திரன்) போன்றவற்றை தெய்வங்களாக வணங்கி வந்தனர். தற்காலத்தில் இந்து மதம் என சொல்லப்படுகின்ற எல்லா தெய்வங்களும், புராணங்களும், இதிகாசங்களும், சாதி ஏற்றத்தாழ்வை வலியுறுத்துகிற மனுதர்மம் உட்பட அனைத்தும் ஆரியர்களினால் புகுத்தபட்டவை. இதற்கு ஒரே நோக்கம். திராவிடர்களை அடிமைகளாக வைத்திருக்க வேண்டும் என்பதே. 

இன்றைய பெரும்பான்மையான திராவிடர்கள் ஆரிய அடிமைகளாக இருக்கிறார்கள். அதிலும் ஆரியனுக்கு அடிமையாயிருப்பதையே பெருமையாக எண்ணுகிற சாதிகளும் உண்டு. 

தற்போதைய சூழ்நிலையில் இந்து தீவிரவாதிகள் உயர்சாதி இந்துக்களை கிறிஸ்தவ இஸ்லாமிய மற்றும் தாழ்த்தப்பட்ட மக்களுக்கு எதிராக ஒன்று திரட்ட முயற்சி செய்கிறார்கள். 

இந்து உயர்சாதியாக கருதுகிற முதலியார், செட்டியார், ரெட்டியார், கவுண்டர், வன்னியர், தேவர், நாடார் போன்ற சாதி மக்கள் தாழ்த்தப்பட்டவர்களை எப்படி கருதுகிறார்களோ அப்படியே ஆரிய பார்ப்பனர்கள் இந்த உயர் சாதி இந்துக்களை கருதுகிறார்கள். 

இதை மறுப்பார்கள் என்றால் இந்த சாதி இந்துக்களை சங்கர மடத்திற்கு மடாதிபதிகாளாக நியமனம் செய்வார்களா? இந்த சாதி இந்துக்களின் கால்களை பார்ப்பனன் கழுவி பாத பூஜை செய்வானா? அல்லது இந்த உயர் சாதி இந்துக்கள் கோவில் கருவறையில் புகுந்து அங்குள்ள சாமி சிலைகளை தொட முடியுமா? 

தொட்டால் என்ன நடக்கும் கோவில் சிலை தீட்டு ஆனதினால் அதை கழுவி பரிகார பூஜை செய்வார்கள். காரணம் பார்ப்பனர்கள் தவிர மற்ற அனைவரும் தீட்டு ஆனவர்களே. இதுதான் இந்து மதம். 

இந்திய அரசியல் சாசன ஆசான் டாக்டர் அம்பேத்கர் அவர்கள், இந்து மதம் சமத்துவத்தை, சகோதரத்துவத்தை, சமூக நீதியை மறுதலிக்கிறது என்றார். 

கிறிஸ்தவர்களும், இஸ்லாமியர்களும் இந்த ஆரிய அடிமைத்தனத்திலிருந்து வெளியே வந்து விட்டவர்கள். ஆகவே இவர்களை எந்த வகையிலும் ஆரிய வர்க்கம் அடிமைபடுத்த முடியவில்லை என்ற ஆத்திரமே தற்காலத்தில் தாய் மதத்திற்கு திரும்ப சொல்லி கிறிஸ்தவ மற்றும் இஸ்லாமியர்களை கட்டாய மதம் மாற்றம் செய்து வருகிறார்கள். 

தாய் மதத்திற்கு திரும்ப வேண்டும் என்றால் பார்ப்பனர்களை தவிர எல்லா இந்துக்களுமே பார்ப்பன அடிமை மதமாகிய இந்து மதத்திலிருந்து திராவிட மதத்திற்கு திரும்ப வேண்டும். 

பாபர் மசூதி இடிக்கப்பட்ட அந்த சமயத்தில் டில்லியில் நடைபெற்ற திரைப்பட விழாவில் கலந்து கொண்ட நடிகர் கமலஹாசன் அவர்கள்: "பாபர் மசூதியை இடித்ததற்கு காரணம் என்னவென்றால், அங்கே இந்து கோவில் இருந்ததாக சொல்லுகிறார்கள். நான் கேட்கிறேன், எல்லாமே அது இருந்த இடத்திற்கு போக வேண்டும் என்றால் இங்கிருந்து ஒரு கூட்டம் கைபர், போலன் கணவாய் வழியாக மேற்கு ஐரோப்பாவிற்கு திரும்பி செல்ல வேண்டும். அவர்கள் திருப்பி அனுப்பி வைக்கப்படுவார்களா? என்று கேட்டார்.

நாமும் இதையே தான் கேட்கிறோம்.

THANKS TO :- Bro. David Dhanraj  
www.facebook.com/david.dhanraj.3

- Selected -

நாம் அறிந்திராத வேதாகம துணுக்குகள்

* "தள்ளப்பட்ட வேதம்" அல்லது "தள்ளுபடி வேதாகமம்" (Appocrypha) எனப்படுவது யூதர்களால் ஏற்றுக்கொள்ளப்படாத, கிரேக்க மொழியில் ஏழுதப்பட்ட 7 ஆகமங்கள் (புத்தகங்கள்) ஆகும். கத்தோலிக்க வேதத்தில் இதனை இணைத்துள்ளனர்.

* சீகன் பால்கு ஐயர் அவர்கள் மரித்தப்பின் அவர் விட்டு சென்ற பழைய ஏற்பாட்டின் ஒரு சில ஆகமங்களை பெஞ்சமின் ஸ்கல்ட்ஸ் என்பவர் மொழிப்பெயர்த்து முடித்தார்.

* சீகன் பால்கு ஐயர் தமிழ்நாட்டில் உள்ள தரங்கம்பாடியில் தன் ஊழியங்களை செய்து, ஒரு சபையை கட்டியுள்ளார். அத்திருச்சபையில் இன்றும் ஆராதனை நடக்கிறது.

* ஜெர்மனியிலிருந்து வந்த மிஷினரியான சீகன் பால்கு ஐயர் என்பவர் தான் தமிழ் மொழியில் வேதத்தை மொழிப்பெயர்த்தவர்.

* 2இராஜாக்கள் 19-ம் அதிகாரமும் ஏசாயா 37-ம் அதிகாரமும் ஒரே சம்பவத்தையும் ஒரே மாதிரியான வசனங்களையும் கொண்டுள்ளது.

* இயேசுவின் பிறப்பில் பரிசுகள் கொண்டு வந்த மூன்று சாஸ்திரிகளின் பெயர்கள்.

1. மெல்கொயர் – பரிசு பொன்.

2. காஸ்பர் – பரிசு வெள்ளை போளம்.

3. பால்தாஜர் – தூபவர்க்கம் என்று கண்டுபிடித்துள்ளனர்.

வேத பண்டிதர்கள் இயேசு கிறிஸ்துவோடு சிலுவையில் அறையப்பட்டவர்கள் பெயர்கள்..

1. திஸ்மாஸ்

2. கெஸ்டாஸ் என்று கண்டு பிடித்துள்ளனர்.

* வேதத்திலே நான்கு விதமான பிறப்பு உள்ளது .

1. மண்ணிலிருந்து ஆதாம்.

2. எலும்பிலிருந்து ஏவாள்.

3. தகப்பனும் தாயும் சேர்ந்து பிள்ளைகள்.

4. கன்னியின் மூலமாய் இயேசு கிறிஸ்து.

* மாற் 14:51,52-ல் துப்பட்டியை போட்டுவிட்டு நிர்வாணமாய் ஓடின வாலிபன், அந்நூலின் ஆசிரியரான மாற்குதான் என்று பரம்பரையாக நம்பிவருகின்றனர்.

* சாலமோன் கட்டிய தேவாலயம் ஏறக்குறைய 380 வருடங்கள் நிலைத்திருந்தது.

* சாஸ்திரிகள் கிழக்கிலே கண்ட நட்சத்திரத்தை குறித்து மத்தேயு 2 –ம் அதிகாரத்தில் காண்கிறோம். இதே கால கட்டத்தில் வாழ்ந்த சீன (China) வானசாஸ்திரிகள் அப்படி ஒரு நட்சத்திரத்தை கண்டதாக குறிப்பு எழுதி வைத்துள்ளதை, சமீபத்தில் கண்டு பிடித்துள்ளனர்.

* வேதத்திலே ஆபிரகாம் தேவனுடைய சிநேகிதன் என்று மூன்றுமுறை சொல்லப்பட்டுள்ளது. (2 நாளா 20:7, ஏசா 41:8, யாத் 2:23

* கலகம் செய்பவர்களுக்கு மட்டுமே சிலுவை மரணம் கொடுத்தனர். ரோமர் குடியுரிமை பெற்றவர்களுக்கு இதிலிருந்து விலக்கு உண்டு.

* நான்கு சுவிசேஷங்களிலும் முதலாவது எழுதப்பப்பட்டது மாற்கு எழுதின சுவிசேஷமாகும்.

* இயேசு கிறிஸ்துவின் உவமைகள் என்று கேள்விப்பட்டிருக்கிறீர்கள். ஆனால் வேதத்திலே மிக பழமையான மற்றும் முதலாவதாக வரும் உவமை நியாய 9:8-15-ல் உள்ள உவமையாகும்.

* தேவன் மனுஷனிடம் கேட்ட முதலாவது கேள்வி “நீ எங்கே இருக்கிறாய்?” ஆதி 3:9.

* யோர்தான் நதியினுடைய மொத்த நீளம் 321.86 கி.மீ ஆகும்.

* “தேவன்” என்கிற வார்த்தை எஸ்தர் மற்றும் உன்னதப்பாட்டு ஆகிய புத்தகங்களில் கிடையாது.

* தந்தி முறையை (Telegraph) கண்டுபிடித்த சாமுவேல் மோர்ஸ் முதல் முதல் அனுப்பிய வார்த்தைகள் என்ன தெரியுமா? “What hath God wrought?” Num 23:23 அதாவது “தேவன் என்னென்ன செய்தார்?” எண் 23:23.

* மோசே குழந்தையாக  இடப்பட்ட நைல் நதியின் மொத்த நீளம் 3218.6 கி.மீ ஆகும். இதன் சராசரி அகலம் 1.5 கி.மீ.

* ஏதேனிலிருந்து வரும் நதியாக சொல்லப்பட்ட “ஐபிராத்து” (தற்போதைய பெயர் யூப்பிரடிஸ்) என்னும் நதியின் மொத்த நீளம் 2880 கி.மீ.

* ஏதேனிலிருந்து வரும் நதியாக சொல்லப்பட்ட “இதெக்கேல்” என்னும் நதியின் நீளம் 1844.2 கி.மீ.

* யோர்தான் நதி 3 முறை இரண்டாக பிரிந்தது

1. யோசு 4:7,19.

2. 2 இரா 2:8.

3. 2 இரா 2:13,14.

* வேதத்திலே சொல்லப்பட்டுள்ள மலைகளில் மிக உயரமான மலை அரராத் மலை. இதன் உயரம் 5260.8 மீட்டர் ஆகும்.

* தங்கள் முகம் பிரகாசித்த 3 பேர்கள்

1. மோசே – யாத் 35:28-30

2. இயேசு – மத் 17:2

3.ஸ்தேவான் – அப் 6:25; 7:55,56

* வேதாகமத்திலே 3 நபர்களுக்கு “இயேசு” என்னும் பெயர் இருக்கிறது.

1. நம்முடைய தேவன் இயேசு – மத் 1:21.

2. கள்ளத்தீர்க்கதரிசியான பர்யேசு – அப் 13:6.

3. யுஸ்து என்னப்பட்ட இயேசு – கொலோ 4:11.

* “அப்பா பிதாவே” என்று புதிய ஏற்பாட்டில் மூன்று முறை வருகிறது :-

மாற் 14:36, 

ரோம 8:15;

 கலா 4:6.

* லேவியராகமத்தில் “தேவனாகிய கர்த்தர்” என 21 தடவை வருகிறது.

 லேவி 11:44; 18:4,30; 19:3,4,10,25,31,34,36; 20:7,24; 23:22,43; 24:22; 25:17,38,55; 26:1,13,44.

* லேவியராகமத்தில் “கர்த்தர்” என்கிற வார்த்தை 21 தடவை வருகிறது. 

லேவி 11:45, 18:5,22; 19:12,16,18,28,89,32,37; 20:18; 21:12, 22:2,8,31,32,33; 26:2,45.

* யோபுவுக்கு 2 முறை 7 குமாரரும் 3 குமாரத்திகளும் பிறந்தார்கள் – யோபு 1:2, 42:13.

* ‘எலியா’ என்ற பெயர் நான்கு நபர்களுக்கு இருந்தது

1. எலியா தீர்க்கதரிசி – 1 இராஜ 17:1, லூக் 9:30.

2. எரொகாமின் குமாரன் எலியா – 1 நாளா 8:27.

3. ஆரீமின் புத்திரரில் எலியா – எஸ்றா 10:21.

4. ஏலாமின் புத்திரரில் எலியா – எஸ்றா 10:26.

ஜெபம் பண்ணி வானத்திலிருந்து அக்கினியை வரவைத்தவர்கள் 3 பேர்கள்

1. எலியா – 1 இராஜ 18:37,38.

2. தாவீது – 1 நாளா 21:25,26.

3. சாலொமோன் – 2 நாளா 7:1.

* “ஜீவ விருட்சம்” என்ற வார்த்தை, வேதத்தில் முதல் புத்தகமாகிய ஆதியாகமத்தில் 3 முறையும் கடைசி புத்தகமாகிய வெளிப்படுத்தலில் 3 முறையும் வருகிறது. ஆதி 2:9; 3:22,24. வெளி 2:7; 22:2, 14.

* சங்கீத புஸ்தகத்தில் 5 அதிகாரங்கள் 5 வசனங்களை கொண்டுள்ளது 

சங் 15,70,93,100,125.

* யூதர்கள் பழைய ஏற்பாட்டை (Torah) தோரா, நெபீம் (Nebiim), கெத்தூபிம் (Kethubim) என்று 3 பகுதிகளாக பிரித்துள்ளனர்.

 * இஸ்ரவேல் ஜனங்களை நியாயம் விசாரித்த ஒரே பெண் நியாயாதிபதி தெபொராள் ஆகும் – நியா 4:4.

பேய் என்ற வார்த்தை பழைய ஏப்பாட்டில் 3 முறை வருகிறது –

 லேவி 17:7; உபா 32:17; 2 நாள 11:15.

3 விதமான கிறிஸ்துக்கள் a. இயேசு கிறிஸ்துக்கள் – எபி 13:8 b. அநிதிக் கிறிஸ்து – 1 யோவான் 2:18,22 c. கள்ளக் கிறிஸ்துக்கள் – மத் 24:24; மாற் 13:22. வேதத்தில் பாட்டு பாடின பெண்கள் மொத்தம் 5. a. மிரியாம் – யாத் 15:20-22 b. தெபொராள் – நியாய 5:1-31 c. அன்னாள் – 1 சாமுவேல் 2:1-10 d. எலிசபெத் – லூக் 1:42-45. e. மரியாள் – லூக் 1:45-55. * தமிழ் புதிய ஏற்பாடு கி.பி 1714 –ம் ஆண்டு தரங்கம்பாடியில் சீகன் பால்கு ஐயர் என்பவரால் அச்சடிக்கப்பட்டு வெளியிடப்பட்டது. * ஹென்றி பாவர் என்பவர் தலைமையில் முழுவேதாகமும் திருத்தப்பட்டு சரியான முறையில் அச்சடிக்கப்பட்டு கி.பி.1871-ஆம் ஆண்டு வெளியிடப்பட்டது இன்று வரை அநேக தமிழ் கிறிஸ்தவர்களின் கரங்களில் தவழுவதும் இந்த மொழிப்பெயர்ப்பே. * வேதம் கி.பி.1228-ம் ஆண்டு ஸ்டிபன் லாங்டன் என்பவரால் அதிகாரங்களாக பிரிக்கப்பட்டது. * வேதத்திலே ஆபிரகாம் தேவனுடைய சிநேகிதன் என்று மூன்றுமுறை சொல்லப்பட்டுள்ளது. (2 நாளா 20:7, ஏசா 41:8, யாக் 2:23).  * கிரேக்க மொழியில் மொத்தம் 24 எழுத்துக்கள் உள்ளன. இதில் முதல் எழுத்து “அல்பா” கடைசி எழுத்து “ஒமேகா” ஆகும் (வெளி 1:8-ல் நம் தேவனின் நாமமும் இதுவே).

* நம்முடைய வேதாகமத்திலே மொத்தம் 1189 அதிகாரங்கள் உள்ளன. இதில் 1000-வது அதிகாரம் யோவான் எழுதின சுவிசேஷம் 3-ம் அதிகாரமாகும்.

 * சமீபத்தில் சவக்கடலிலிருந்து எடுக்கப்பட்ட வேதாகம தோல் சுருள்களில் 151,152,153 மற்றும் 154 ஆகிய 4 சங்கீதங்கள் அதிகமாய் உள்ளன.

* தற்போது இருக்கும் 150 சங்கீதங்களும் எஸ்றாவால் தொகுக்கப்பட்டவைகளாகும்.

* சங்கீதம் 119 –ல் ஒவ்வொரு 8 வசனங்களின் மேல் வரும் தலைப்புகளான ஆலேப், பேய்த் போன்றவைகள் எபிரேய மொழியில் உள்ள 22 எழுத்துக்கள் ஆகும்.

* புதிய ஏற்பாட்டில் மட்டும் சங்கீதங்களை 36 தடவை மேற்கோள் காட்டியுள்ளனர், ஆசிரியர்கள்.

* சங்கீத புத்தகத்தில் ஏறக்குறைய 223 பாவங்களை குறித்து படிக்கலாம்.

* சங்கீத புத்தகத்தில் ஏறக்குறைய 413 கட்டளைகளும் 97 வாக்குத்தத்தங்களும் 281 ஆசீர்வாதங்களும் உள்ளன.

* சங்கீத புத்தகத்தில் ஏறக்குறைய 160 வசனங்களை நிறைவேறின தீர்க்கதரிசனங்களும் ஏறக்குறைய 274 வசனங்களில் இனி நிறைவேற வேண்டிய தீர்க்கதரிசனங்களும் உள்ளன.

* “சேலா “ என்கிற வார்த்தை வாத்தியங்களை ஒரு சில விநாடிகள் வாசிக்காமல் நிறுத்தவும், அந்த பாடல் வரியிலுள்ள கருத்துக்களை சில விநாடிகள் தியானிக்கவும் பயன் படுத்தப்படுகிறது.

* 2இராஜாக்கள் 19-ம் அதிகாரமும் ஏசாயா 37-ம் அதிகாரமும் ஒரே சம்பவத்தையும் ஒரே மாதிரியான வசனங்களையும் கொண்டுள்ளது.

 * பழைய ஏற்பாட்டில் நீளமான அதிகாரம் சங்கீதம் 119 புதிய ஏற்பாட்டில் லூக்கா 1.

 - Selcted -

ஐந்துவிரல் ஜெபம் செய்வது எப்படி?

நாம் அனைவரும் ஜெபிக்க வேண்டும் என்று விரும்புகிறோம். ஆனால் எப்படி ஜெபிப்பது என்று ஒரு சிலருக்கு தெரிவதில்லை. சோர்ந்து போகாமல் ஜெபிக்க வேண்டும் என்பது தேவனுடைய கட்டளையாதலால் நாம் தொடர்ந்து ஜெபிக்க வேண்டியவர்களாக இருக்கிறோம். 

இங்கு நாம் மனதில் வைத்து கொண்டு ஜெபிக்க தக்கதாக எளிதான முறையில் ஞாபகம் வைக்க சில குறிப்புகளை தருகிறோம். அதை பின்பற்றி நாம் எளிதாக ஐந்திலிருந்து பத்து நிமிடங்கள் ஜெபித்துவிடலாம். நாம் கார் ஓட்டும் போது சிக்னலுக்காக காத்திருக்கும்போதோ, வேலையிடத்தில் சிறிது ஓய்வெடுக்கும்போதோ, இந்த சிறிய ஜெபத்தை நாம் செய்யலாம். நமது கரத்தை எடுத்து கொள்வோம். அதை ஜெபிக்க கூப்பும்போது,


1. முதலாவது நமக்கு அருகில் இருப்பது பெருவிரல்: 

பெருவிரல் நமக்கு அருகில் இருப்பதால், நமக்கு நெருங்கிய உறவினர்கள், நெருங்கிய நண்பர்கள், நமக்கு நெருங்கிய ஊழியர்கள் என்று நெருங்கியவர்களுக்காக ஜெபிக்கலாம். நமது ஞாபகத்தில் அவர்கள் இருப்பதால் அவர்களை நினைத்து எளிதாக ஜெபிக்கலாம். மற்றும் பெருவிரல் முதல் விரலாக இருப்பதால், தேவன் ஏற்ப்படுத்திய ஊழிய முறைப்படி முதல் ஊழியமாகிய அப்போஸ்தல ஊழியத்தை செயபவர்களுக்காக ஜெபிக்க வேண்டும்.


2. இரண்டாவதாக இருப்பது சுட்டிகாட்டும் விரல்:

 நமக்கு போதிக்கும் ஆசிரியர்கள், நமக்கு உடல் நிலையை சுட்டிகாட்டி வழிகாட்டும் வைத்தியர்கள் என்று இவர்களுக்காக ஜெபிக்கலாம். மற்றும் சுட்டி காட்டும் விரல் நீ செய்வது தவறு என்று ஒருவரை சுட்டி காட்டி திருத்துவதால், திருத்தும் ஊழயித்தை செய்யும் கிறிஸ்துவுக்குள் உண்மையான தீர்க்கதரிசிகளுக்காக ஜெபிக்க வேண்டும்.


3. மூன்றாவது இருப்பது உயரமான விரல்: 

அது நம்மை ஆள்பவர்களையும், நமக்கு மேலான யாவரையும் குறிக்கிறது. நமது ஜனாதிபதி, பிரதம மந்திரி, மற்ற மந்திரிகள், முதன் மந்திரி, நமது வேலையிடத்தில் நமக்கு மேலாக இருப்பவர்கள், இவர்களை ஞாபகத்தில் கொண்டு வந்து ஜெபிக்கலாம். சுவிசேஷ வேலை செய்பவர்கள் பிரதான வேலையை செய்வதால் அவர்களை இந்த நேரத்தில் நினைவில் கொண்டு வந்து ஜெபிக்க வேண்டும்.


4. நான்காவது இருப்பது மோதிர விரல்: 

இதை பெலவீன விரல் என்றும் சொல்வார்கள். பியானோ கற்று கொடுப்பவர்களுக்கு தெரியும். இந்த விரல் பெலவீனமானது என்று. ஆகவே நமது சமுதாயத்தில் பெலவீனமானவர்களை, வியாதியில் இருப்பவர்களை, கஷ்டத்தில் இருப்பவர்களை நினைத்து ஜெபிக்க வேண்டும். அதை போல, மோதிர விரல் மேய்ப்பர்களை குறிக்கிறது. சபைகளை மேய்க்கின்ற பாஸ்டர்களை நினைத்து நாம் ஜெபிக்க வேண்டும்.


5. கடைசியில் இருப்பது சுண்டு விரல்: 

சுண்டு விரல் நம்முடைய தேவைகளை குறிக்கிறதாக இருக்கிறது. இப்போது நமது தேவைகளை கர்த்தரிடம் சொல்லி கடைசியாக நமக்காக ஜெபிக்க வேண்டும். நமக்கு காதில் ஏதாவது குடையும்போது, இந்த சுண்டு விரலே நம் காதிற்குள் சென்று குடைய வைக்க முடியும். அதுப்போல சுண்டு விரல் போதகர்களை குறிக்கிறது. அவர்களின் போதகமே நமது காதிற்குள் செல்லுகிறபடியால், நாம் இந்த சமயத்தில் போதகர்களை நினைத்து ஜெபிக்க வேண்டும்.


‘பரிசுத்தவான்கள் சீர்பொருந்தும்பொருட்டு, சுவிசேஷ ஊழியத்தின் வேலைக்காகவும், கிறிஸ்துவின் சரீரமாகிய சபையானது பக்திவிருத்தி அடைவதற்காகவும், அவர், சிலரை அப்போஸ்தலராகவும், சிலரைத் தீர்க்கதரிசிகளாகவும், சிலரைச் சுவிசேஷகராகவும், சிலரை மேய்ப்பராகவும் போதகராகவும் ஏற்படுத்தினார்’ (எபேசியர் 4:12-13) என்று கர்த்தர் கொடுத்த ஊழிய முறையை நாம் இந்த இடத்தில் பார்க்கிறோம்.


இவைகளை நாம் ஒவ்வொரு விரலுக்கு ஈடாக நினைத்து, அந்த ஊழியம் செய்பவர்களுக்காக ஜெபிக்கும்போது, கர்த்தருடைய இராஜ்யம் பரவுவதற்கும், பரிசுத்தவான்கள் சீர் பொருந்தும் பொருட்டும் நாம் தொடர்ந்து ஜெபிப்பதற்கு ஏதுவாகும். அதினால் கர்த்தருடைய நாமம் மகிமைப்படும்.


நாம் தினமும் இத்தகைய ஜெபத்தை ஒரு ஐந்து நிமிடங்கள், அல்லது பத்து நிமிடங்கள் ஜெபிக்கும்போது அது எத்தனை பெரிய மாற்றத்தை சபைகளில் ஏற்படுத்தும்! நமது தேசத்தில் ஏற்படுத்தும்! தினமும் நமது விரல்களை நினைவு கூர்ந்து ஜெபித்து, தேசத்தையும் சபைகளையும் ஜெபத்தால் அசைப்போமாக! தேவனின் நாமம் மகிமைப்படுவதாக! ஆமென் அல்லேலூயா!

- Selcted -