'NESARIN THOTTAM' AG CHURCH

இயேசுவே ஆண்டவர் "அவராலேயன்றி வேறொருவராலும் இரட்சிப்பு இல்லை; நாம் இரட்சிக்கப்படும்படிக்கு வானத்தின் கீழெங்கும் மனுஷர்களுக்குள்ளே அவருடைய நாமமேயல்லாமல் வேறொருநாமம் கட்டளையிடப்படவும் இல்லை" (அப்:4:12)
Blogger Widgets

Translate

ஞாயிறு, 24 மார்ச், 2019

நம் வாழ்வில் வரும் தடைகளை நீக்கி ஆசீர்வாதம் பெறுவது எப்படி?




திறவுகோல் வசனம்: மீகா:2:13 தடைகளை நீக்கிப்போடுகிறவர் அவர்களுக்கு முன்பாக நடந்துபோகிறார்; அவர்கள் தடைகளை நீக்கி, வாசலால் உட்பிரவேசித்துக் கடந்துபோவார்கள்; அவர்கள் ராஜா அவர்களுக்கு முன்பாகப் போவார்கர்த்தர் அவர்கள் முன்னணியில் நடந்துபோவார்.”

நம் வாழ்வில் தடைகள் பல ரூபங்களில் வரும். தடைகளை கண்டு சோர்ந்து போய் விட்டால், தடைகள் நம் கண்ணெதிரே பெரிதாக தான் இருக்கும். ஆனால் தேவ பெலனைக் கொண்டு நம் முன் நிற்கும் தடைகளை பார்க்கும் போது, அது நொருங்கி விழும்.

-        கர்த்தர் தடைகளை நீக்கிப் போடுகிறவராயிருக்கிறார். சாத்தான் நமக்கு சோர்வை கொண்டு வருவதற்கும், விசுவாசத்தில் பலவீனம் ஏற்படுவதற்கும் நம்; வாழ்வில் தடைகளை கொண்டு வருவான். எப்படியென்றால், நாம் எந்த ஒரு காரியத்தை செய்ய முயன்றாலும் அது நடக்காது. ஏதாவது தடைகள் வரும்.  
                
உதாரணத்திற்கு, ஒரு வீடு கட்டு வேண்டும் என்று நீங்கள் நீண்ட நாள் கனவு கண்டு அதற்காக மிகுந்த பிரயாசப்படுவீர்கள். பல பேரிடம் பணம் கேட்டிருப்பீர்கள். கேட்ட இடத்திலெல்லாம் தருகிறேன் தருகிறேன் என்று சொல்லி விட்டு, வேலை ஆரம்பித்த பின்னர், ஏதாவது காரணங்கள் கூறி, இப்போது பணமில்லை என்று கையை விரித்து விடுவார்கள். நம்பினவர்கள் நம்மை கைவிட்டுவிடுவார்கள். உடனே வீடு கட்ட முடியாமல் தடையாகி விடும்.

இது போல பல காரியங்கள் நம் வாழ்வில் நடக்கும். தடைகள் அடுத்தடுத்து வரும்போது நாம் சோர்ந்து போய் “ஏன் எனக்கு மட்டும் இப்படி தடைகள் வருகிறது?” என்று தேவனிடம் கேட்பதுண்டு. 

ஆனால் தடைகள் ஏற்படுவதற்கு முன்பே நம் வழியை செவ்வைப்படுத்திக் கொண்டால் இந்த கேள்வியை கேட்க வேண்டிய அவசியமில்லை.
தடைகள் வந்த பின்னர் தான் நாம் தடைகளை நீக்கும் தேவனை பார்க்கிறோம். ஆகையால் நாம் எந்த காரியத்தை செய்யும் முன்பு தேவனிடம் முதலாவது ஒப்புக்கொடுக்க வேண்டும்.

யோபு:42:2 தேவரீர் சகலத்தையும் செய்ய வல்லவர்; நீர் செய்ய நினைத்தது தடைபடாது என்பதை அறிந்திருக்கிறேன்.”

அவர் உனக்காக ஒன்றை செய்ய நினைத்தால் அதை எந்த மனிதனாலும் தடுக்க முடியாது. அவர் சகலத்தையும் செய்ய வல்லவர்.

ஏசாயா:43:13 நாள்  உண்டகாததற்கு முன்னும் நானே இருக்கிறேன்; என் கைக்குத் தப்புவிக்கத்தக்கவன் இல்லை; நான் செய்கிறதைத் தடுப்பவன் யார்?”

ஆம்! கர்த்தர் நமக்கு ஆசீர்வாதத்தை கொடுக்க நினைத்து விட்டால் அதை யாராலும் தடுக்க முடியாது.

“உன் முன் நிற்கும் தடைகளை பார்க்காதே!          
தடைகளை நீக்கும் தேவனை நோக்கி பார்!”

ஏசாயா:14:24,27 – “நான் நினைத்திருக்கிறபடியே நடக்கும்; நான் நிர்ணயித்தபடியே நிலை நிற்கும்  என்று சேனைகளின் கர்த்தர்   ஆணையிட்டுச் சொன்னார். சேனைகளின் கர்த்தர்  இப்படி நிர்ணயித்திருக்கிறார், யார் அதை வியர்த்தமாக்குவான்? அவருடைய கை நீட்டப்பட்டிருக்கிறது,  யார் அதைத் திருப்புவான்?”

நமக்கென்று தேவன் ஒரு ஆசீர்வாதத்தை நிர்ணயித்து விட்டால், அதை ஒருவனாலும் தடுக்க முடியாது. ஏனென்றால் அவர் நிர்ணயித்தது நிலைநிற்கும்.

யோர்தானை மேற்கொண்டு ஆசீர்வாதம் பெறுவது எப்படி?




யோசுவா:1:2 என் தாசனாகிய மோசே மரித்துப்போனான்; இப்பொழுது நீயும் இந்த ஜனங்கள் எல்லாரும் எழுந்து, இந்த யோர்தானைக்கடந்து, இஸ்ரவேல் புத்திரருக்கு நான் கொடுக்கும் தேசத்துக்குப் போங்கள்

நம் முன் நிற்கும் தடைகளை மேற்கொண்டு தான் ஆசீர்வாதத்தை பெற முடியும். யோர்தானை கடந்து தான் கானானுக்குள் நுழைய முடியும். யோர்தானை கண்டு இது எப்படி முடியும் என்று சோர்ந்து விட்டால் கானானுக்குள் பிரவேசிக்க முடியாது.

1.   தேவ திட்டத்தை பின்பற்ற வேண்டும்

யோசுவா:1:11 நீங்கள் பாளயத்தை உருவ நடந்துபோய், ஜனங்களைப் பார்த்து: உங்களுக்குப்  போஜனபதார்த்தங்களை ஆயத்தம்பண்ணுங்கள்; உங்கள் தேவனாகிய  கர்த்தர் உங்களுக்குச் சுதந்தரிக்கக் கொடுக்கும் தேசத்தை நீங்கள் சுதந்தரித்துக்கொள்ளும்படிக்கு, இன்னும் மூன்று நாளைக்குள்ளே இந்த யோர்தானைக் கடந்துபோவீர்கள் என்று சொல்லச்சொன்னான்.”

-    மூன்று நாளைக்குள்ளாக யோர்தானை கடக்க வேண்டும். இது தேவனின் திட்டம்.
-    தேவனின் சித்தம் மற்றும் திட்டத்தை அறிந்து அதின்படி நடக்க வேண்டும். அவரின் சித்தத்துக்கு முற்றிலும் நம்மை முதலாவது அர்ப்பணிக்க வேண்டும்.

2.   ஆயத்தம் வேண்டும்

யோசுவா:1:8 - இந்த நியாயப்பிரமாண புஸ்தகம் உன் வாயைவிட்டுப் பிரியாதிருப்பதாக; இதில் எழுதியிருக்கிறவைகளின்படியெல்லாம் நீ செய்யக் கவனமாயிருக்கும்படி, இரவும் பகலும் அதைத் தியானித்துக் கொண்டிருப்பாயாகஅப்பொழுது நீ உன் வழியை வாய்க்கப் பண்ணுவாய், அப்பொழுது புத்திமானாகவும் நடந்துகொள்ளுவாய்.”

எந்தவொரு காரியம் செய்வதற்கு முன்பாக நம்மை ஆயத்தம் செய்து கொள்வது மிக அவசியம். ஆயத்தமில்லாமல் ஒரு காரியத்திலேயும் வெற்றி கிடைக்காது.

நம் வாழ்வில் யோர்தானை மேற்கொள்ள, நாம் அனுதினமும் வேதத்தை வாசித்து, தியானித்து, அதின்படி நடந்து, நம்மை நாமே தயார்படுத்திக்கொள்ள வேண்டும். வேதத்தை வாசிப்பதின் மூலம் நம் வழியை செவ்வைப்படுத்திக் கொள்ள முடியும்.

3.   இடையூறுகளை தவிர்க்க வேண்டும்

யோசுவா:1:7 – என் தாசனாகிய மோசே உனக்குக் கற்பித்த நியாயப்பிரமாணத்தின்படி எல்லாம் செய்யக் கவனமாயிருக்கமாத்திரம் மிகவும் பலங்கொண்டு திடமனதாயிரு; நீ போகும் இடமெல்லாம் புத்திமானாய் நடந்துகொள்ளும்படிக்கு, அதை விட்டு வலது இடதுபுறம் விலகாதிருப்பாயாக.”

நமது கிறிஸ்தவ பாதைக்கு எதிராக வரும் இடையூறுகளை தவிர்க்க வேண்டும். இடையூறுகள் எந்த ரூபத்திலும் வரலாம். ஒருவேளை நமது குடும்பத்தார் மூலமாக, நண்பர்கள் மூலமாக வரும். அதை நாம் தவிர்க்க வேண்டும்.

“உங்களை சுற்றி இருக்கும் சூழ்நிலைகளை பார்க்காதீர்கள்.
சூழ்நிலையை மாற்றும் தேவனை நோக்கி பாருங்கள் !!!      
கர்த்தர் பாதகமான சூழ்நிலையையும் சாதகமாக மாற்ற வல்லவர் !”

ஆராதனைக்கு வரும் நேரத்தில் குடும்பத்தில் குழப்பங்கள் வரும். ஊழியத்துக்கு போக நினைக்கும் போது, ஏதாவது தடைகள் வரும். ஜெபத்திற்கு பெயர் கொடுத்துவிட்டு, வரமுடியாமல் தடைகள் வரும். இவையெல்லாம் நமது கிறிஸ்தவ பாதைக்கு எதிராக வரும் இடையூறுகள். இதையெல்லாம் நாம் தவிர்க்க வேண்டும்.

4.   விசுவாசத்தில் உறுதியாக இருக்க வேண்டும்

எண்ணாகமம்: 32:7 – கர்த்தர் இஸ்ரவேல் புத்திரருக்குக் கொடுத்த தேசத்திற்கு அவர்கள் போகாதபடிக்கு, நீங்கள் அவர்கள் இருதயத்தைத் திடனற்றுப்போகப்பண்ணுகிறதென்ன?”

வாக்களித்த தேவன் பொய்யுரையாதவர். அவர் நிர்ணயித்தது நிலைநிற்கும். ஆனால் நாம் அதை விசுவாசித்து பெற்றுக்கொள்ள வேண்டும். எந்த ஒரு காரியமும் கஷ்டப்படாமல் பெற்றால் அதன் மதிப்பு நமக்கு தெரியாது. ஆகையால் சில காரியங்களை நமக்கு தருவதற்கு தேவன் தாமதிப்பார். நமது விசுவாசத்தின் அளவை சோதிப்பார்.

எபிரேயர்: 11:6 - விசுவாசமில்லாமல் தேவனுக்குப் பிரியமாயிருப்பது கூடாதகாரியம்; ஏனென்றால், தேவனிடத்தில் சேருகிறவன் அவர் உண்டென்றும், அவர் தம்மைத் தேடுகிறவர்களுக்குப் பலன் அளிக்கிறவரென்றும் விசுவாசிக்கவேண்டும்.”

ஆபிரகாமின் விசுவாச அளவை சோதித்தார். யோபுவின் விசுவாச அளவை சோதித்தார். அன்னாளின் விசுவாச அளவை சோதித்தார். எலிசபெத்தின் விசுவாச அளவை சோதித்தார். இவர்களெல்லாரும் தங்கள் விசுவாசத்தில் உறுதியாய் இருந்தார்கள்.

(2கொரிந்தியர்:5:6) நாம் தரிசித்து அல்ல; விசுவாசித்து நடக்க வேண்டும். ஆண்டவர் ஒரு காரியத்தை சொன்னால் புரிந்து கொள்வது, சரியா தவறா என்று நிதானிப்பது நம் வேலையல்ல; கீழ்ப்படிதலே அவசியம். கீழ்ப்படிந்து அவர் வார்த்தையை விசுவாசிக்க வேண்டும்.

அர்ப்பணிப்புள்ள விசுவாசம் தேவை. நீண்ட நாள் பொறுமையாக இருந்து சோர்வுகள் வந்திருக்கலாம். எந்தவொரு முன்னேற்றமும் இல்லாமல் இருந்திருக்கலாம். ஆனாலும் கர்த்தரிடம் காத்திருங்கள். இதை வீணாக நேரம் செலவழித்தல் என நினைக்க வேண்டாம். 

ஆண்டவர் உங்கள் இதயத்தில் பேசும் போது, ‘ஒரு முழுவருஷத்திலும் உங்களால் செய்ய முடியாதவைகளை ஒரு நொடியில் செய்து விடுவார்.’

“கர்த்தரிடத்தில் காத்திருங்கள். பெரிய காரியங்களை காண்பீர்கள்”

நமது தெளிவற்ற ஜெபங்களுக்கு தேவன் பதிலளிக்க முடியவில்லை. குறிப்பிட்ட காரியத்தை பற்றி தெளிவோடும் முழு நிச்சயத்தோடும் தேவனிடத்தில் கேட்க வேண்டும்.

லூக்கா:18:37-43 வாசித்து பாருங்கள். பர்திமேயு குருடன் பார்வையடைவதை பற்றி திட்டமாக ஜெபிக்காத போது கிறிஸ்து ஆரோக்கியத்தை வாக்களிக்கவில்லை. அவனுக்கு எது தேவையோ அதை அவனே திட்டமும் தெளிவுமாக கேட்கும்படி இயேசு விரும்பினார்.

உங்கள் தேவை எதுவாக இருப்பினும் அதற்கான ஆதாரம் உங்களுக்குள்ளேயே இருக்கிறது. நாளைக்கல்ல, இன்றைக்கல்ல. இப்பொழுதே உங்களுக்குள் இருக்கிறார். உங்கள் சிந்தனை, தரிசனம், விசுவாசம் மூலமேயல்லாமல் தேவன் தானாக கிரியை செய்வதில்லை. நீங்களே அந்த வாய்க்கால்.

நீங்கள் விசுவாசத்தை வளர்த்துக்கொண்டு அதன் மூலம் நீங்கள் தேவனோடு ஒத்துழைக்காவிட்டால், தேவன் கிரியை செய்ய முடியாது. நீங்கள் எந்த அளவு அவரை அனுமதிக்கிறீர்களோ அந்த அளவு கிரியை செய்கிறார்.

ஆகவே, நம் வாழ்வில் அநேக தடைகள் யோர்தானை போல வரும். ஆனால் யோர்தானைக் கடந்தால் தான் ஆசீர்வாதமான கானானுக்குள் போக முடியும். ஆகவே தடைகளை மேற்கொள்ள இந்த 4 காரியங்களை நம் வாழ்வில் அப்பியாசப்படுத்தினால் நிச்சயம் ஆசீர்வாதத்தை பெற்றுக்கொள்வோம்.

நாம் தடைகளை தகர்த்தெறிய வல்லமையுள்ள தேவனுடைய ஜனமாயிருப்பதால் நாம் எதற்குமே பயப்படத்தேவையில்லை. தடைகளை நீக்கிப்போடும் தேவன் நம் முன்னே செல்வார். நம்மை அவருக்கு அர்ப்பணிப்போம். அவர் பெரிய காரியங்களை செய்வார்.

“கர்த்தரிடம் பெரிய காரியங்களை எதிர்ப்பார்.        
கர்த்தருக்காக பெரிய காரியங்களை சாதிக்கப்பார்.”

                                 -    மிஷனரி. வில்லியம் கேரி

பெரிய காரியங்களை எதிர்பாருங்கள்; காத்திருங்கள்; பெற்றுக்கொள்ளுங்கள். 
ஆமென்!














சனி, 23 மார்ச், 2019

பலவீனப்பட்டவன் ஒருவனுமில்லை


பலவீனப்பட்டவன் ஒருவனுமில்லை
   (Not One  Feeble Person Among Them)

திறவுகோல்வசனம்: சங்: 105:37 – “அவர்கள் கோத்திரங்களில் பலவீனப்பட்டவன் ஒருவனும் இருந்ததில்லை.”

எபிரெய சொல்: Amelal – எம்மீலால் – பலவீனன்; பலவீனப்பட்டவன்

கிரேக்க சொல்: astheneó ஆஸ்த்தினியோ - பலவீனன்; பலவீனப்பட்டவன்

வாழ்க்கை பயணத்தில் நமது பலம் நம் நாளுக்கு சமமாக இருக்கும். எகிப்திலும் இஸ்ரவேலிலும் உள்ள வித்தியாசத்தை பாருங்கள் - எகிப்தில் ஒவ்வொரு வீட்டிலும் இறந்த ஒருவர், இஸ்ரவேல் புத்திரரில் ஒவ்வொருவரும் உயிருடன்.

மற்றொன்று, மருத்துவச்சிகள் போவதற்கு முன்னமே, இஸ்ரேலிய பெண்கள் பிரசவித்தனர். ஏனெனில், அவர்கள் பலமுள்ளவர்கள்.

யாத்: 15:26 – “நீ உன் தேவனாகிய கர்த்தரின் சத்தத்தைக் கவனமாய்க் கேட்டு, அவர் பார்வைக்குச் செம்மையானவைகளைச் செய்து, அவர் கட்டளைகளுக்குச் செவிகொடுத்து, அவருடைய நியமங்கள் யாவையும் கைக்கொண்டால், நான் எகிப்தியருக்கு வரப்பண்ணின வியாதிகளில் ஒன்றையும் உனக்கு வரப்பண்ணேன்; நானே உன் பரிகாரியாகிய கர்த்தர் என்றார்.”

சத்தியம் நம்மை பலவீனத்திலிருந்து விடுதலையாக்கும்.

ப.ஏ.ல் வந்த நோய்கள் அனைத்தும் பாவிகளுக்கும், துன்மார்க்கருக்கும் வரவேண்டிய வியாதிகள். (குஷ்டம், கூன், குருடு, முடம், கழலை). அடிமையாய் இருந்தபோதும், கர்த்தரைப் பின்பற்றி வனாந்திரத்தில் வந்தபோதும் இப்படிப்பட்ட வியாதிகளினால் ஒருவனும் பலவீனப்பட்டுப் போகவில்லை.

வாக்குத்தத்தம் பண்ணப்பட்ட தேசத்தில் வாழ்ந்து கொண்டு இருக்கிறபோதுதான் இதெல்லாம் வந்தது. காரணம்? கர்த்தருடைய கட்டளைகளை மீறி நடந்ததே.

எகிப்தில் வந்த 10 வாதைகளும் அவர்கள் வழிபட்டு வந்த 10 தெய்வங்கள். பார்வோன் விக்கிரக ஆராதனைக்காரன். எனவே அந்த விக்கிரகவழிபாடு செய்யும் ஜனங்களிடமிருந்து விடுதலையடைந்து வந்த இஸ்ரவேல் ஜனங்களுக்கு கர்த்தர் இந்த வார்த்தைகளை கொடுக்கிறார்.

1. கர்த்தருடைய வார்த்தையை கவனமாக கேள்
2. பார்வைக்கு செம்மையானவைகளை செய்
3. கட்டளைகளுக்கு செவிகொடு
4. நியமங்கள் யாவையும் கைக்கொள்

இந்த காரியங்களை கடைப்பிடித்து வாழ்ந்தால் எகிப்தியருக்கு வரப்பண்ணின வியாதிகளில் ஒன்றும் நம்மை அணுகாது.

ஏசா: 53:4 – “மெய்யாகவே அவர் நம்முடைய பாடுகளை ஏற்றுக்கொண்டு, நம்முடைய துக்கங்களைச் சுமந்தார்;”
மத்: 8:17 – “அவர் தாமே நம்முடைய பெலவீனங்களை ஏற்றுக்கொண்டு, நம்முடைய நோய்களைச் சுமந்தார் என்று, ஏசாயா தீர்க்கதரிசியினால் உரைக்கப்பட்டது நிறைவேறும்படி இப்படி நடந்தது”

பரிதபிக்கும் பிரதான ஆசாரியனும் பாவமில்லாத பிரதான ஆசாரியனும்


எபி: 5:1-3 – “அன்றியும், மனுஷரால் தெரிந்துகொள்ளப்பட்ட எந்தப் பிரதான ஆசாரியனும் பாவங்களுக்காகக் காணிக்கைகளையும் பலிகளையும் செலுத்தும்படி, மனுஷருக்காக தேவகாரியங்களைப்பற்றி நியமிக்கப்படுகிறான். தானும் பலவீனமுள்ளவனான படியினாலே அறியாதவர்களுக்கும் நெறிதப்பிப்போனவர்களுக்கும் இரங்கத்தக்கவனாயிருக்கிறான். அதினிமித்தம் அவன் ஜனங்களுடைய பாவங்களுக்காகப் பலியிடவேண்டியதுபோல, தன்னுடைய பாவங்களுக்காகவும் பலியிட வேண்டியதாயி ருக்கிறது”

"அவர் பரிதபிக்கிற பிரதான ஆசாரியரல்ல; பாவங்களை நிவர்த்தி செய்கிற பிரதான ஆசாரியர்."

எபி: 4:15 – “நம்முடைய பலவீனங்களைக்குறித்துப் பரிதபிக்கக்கூடாத பிரதான ஆசாரியர் நமக்கிராமல், எல்லாவிதத்திலும் நம்மைப்போல் சோதிக்கப்பட்டும், பாவமில்லாதவராயிருக்கிற பிரதான ஆசாரியரே நமக்கிருக்கிறார்.”

மெல்கிசெதேக்கின்படி இயேசு பிரதான ஆசாரியர் ஆனது எப்படி?


எபி: 7:11-20 – “அல்லாமலும், இஸ்ரவேல் ஜனங்கள் லேவிகோத்திர ஆசாரிய முறைமைக்குட்பட்டிருந்தல்லவோ நியாயப்பிரமாணத்தைப் பெற்றார்கள்; அந்த ஆசாரிய முறைமையினாலே பூரணப்படுதல் உண்டாயிருக்குமானால், ஆரோனுடைய முறைமையின்படி அழைக்கப்படாமல், மெல்கிசேதேக்கினுடைய முறைமையின்படி அழைக்கப்பட்ட வேறொரு ஆசாரியர் எழும்பவேண்டுவதென்ன? ஆசாரியத்துவம் மாற்றப்பட்டிருக்குமேயானால், நியாயப்பிரமாணமும் மாற்றப்படவேண்டியதாகும். இவைகள் எவரைக்குறித்துச் சொல்லப்பட்டிருக்கிறதோ, அவர் வேறொரு கோத்திரத்துக்குள்ளானவராயிருக்கிறாரே; அந்தக் கோத்திரத்தில் ஒருவனாகிலும் பலிபீடத்து ஊழியம் செய்ததில்லையே. நம்முடைய கர்த்தர் யூதாகோத்திரத்தில் தோன்றினாரென்பது பிரசித்தமாயிருக்கிறது; அந்தக் கோத்திரத்தாரைக்குறித்து மோசே ஆசாரியத்துவத்தைப்பற்றி ஒன்றும் சொல்லவில்லையே. அல்லாமலும், மெல்கிசேதேக்குக்கு ஒப்பாய் வேறொரு ஆசாரியர் எழும்புகிறாரென்று சொல்லியிருப்பதினால், மேற்சொல்லியது மிகவும் பிரசித்தமாய் விளங்குகிறது. அவர் மாம்ச சம்பந்தமான கட்டளையாகிய நியாயப்பிரமாணத்தின்படி ஆசாரியராகாமல், நீர் மெல்கிசேதேக்கின் முறைமையின்படி என்றென்றைக்கும் ஆசாரியராயிருக்கிறீர் என்று சொல்லிய சாட்சிக்குத்தக்கதாக அழியாத ஜீவனுக்குரிய வல்லமையின்படியே ஆசாரியரானார். முந்தின கட்டளை பெலவீனமுள்ளதும் பயனற்றதுமாயிருந்ததினிமித்தம் மாற்றப்பட்டது. நியாயப்பிரமாணமானது ஒன்றையும் பூரணப்படுத்தவில்லை, அதிக நன்மையான நம்பிக்கையை வருவிப்பதோ பூரணப்படுத்துகிறது; அந்த நம்பிக்கையினாலே தேவனிடத்தில் சேருகிறோம். அன்றியும், அவர்கள் ஆணையில்லாமல் ஆசாரியராக்கப்படுகிறார்கள்; இவரோ: நீர் மெல்கிசேதேக்கின் முறைமையின்படி என்றென்றைக்கும் ஆசாரியராயிருக்கிறீர் என்று கர்த்தர் ஆணையிட்டார், மனம்மாறாமலும் இருப்பார் என்று தம்முடனே சொன்னவராலே ஆணையோடே ஆசாரியரானார்.”

எபி: 7:24-28 – “இவரோ என்றென்றைக்கும் நிலைத்திருக்கிறபடியினாலே, மாறிப்போகாத ஆசாரியத்துவமுள்ளவராயிருக்கிறார். மேலும், தமது மூலமாய் தேவனிடத்தில் சேருகிறவர்களுக்காக வேண்டுதல்செய்யும்படிக்கு அவர் எப்பொழுதும் உயிரோடிருக்கிறவராகையால் அவர்களை முற்றுமுடிய இரட்சிக்க வல்லவராயுமிருக்கிறார். பரிசுத்தரும், குற்றமற்றவரும், மாசில்லாதவரும், பாவிகளுக்கு விலகினவரும், வானங்களிலும் உயர்ந்தவருமாயிருக்கிற இவ்விதமான பிரதான ஆசாரியர் நமக்கு ஏற்றவராயிருக்கிறார். அவர் பிரதான ஆசாரியர்களைப்போல முன்பு சொந்தப் பாவங்களுக்காகவும், பின்பு ஜனங்களுடைய பாவங்களுக்காகவும் நாடோறும் பலியிடவேண்டுவதில்லை; ஏனெனில் தம்மைத்தாமே பலியிட்டதினாலே ஒரேதரம் செய்து முடித்தார். நியாயப்பிரமாணமானது பெலவீனமுள்ள மனுஷர்களைப் பிரதான ஆசாரியராக ஏற்படுத்துகிறது; நியாயப்பிரமாணத்திற்குப்பின்பு உண்டான ஆணையோடே விளங்கிய வசனமோ என்றென்றைக்கும் பூரணரான குமாரனை ஏற்படுத்துகிறது.”

கர்த்தருடைய பிள்ளைகள் பலவீனருக்கு எப்படி இருக்க வேண்டும்?


பலவீனருக்காக எரியும் மனம்:

ரோம: 15:1-3 – “அன்றியும், பலமுள்ளவர்களாகிய நாம் நமக்கே பிரியமாய் நடவாமல், பலவீனருடைய பலவீனங்களைத் தாங்க வேண்டும். நம்மில் ஒவ்வொருவனும் பிறனுடைய பக்திவிருத்திக்கேதுவான நன்மையுண்டாகும்படி அவனுக்குப் பிரியமாய் நடக்கக்கடவன். கிறிஸ்துவும் தமக்கே பிரியமாய் நடவாமல்: உம்மை நிந்திக்கிறவர்களுடைய நிந்தைகள் என்மேல் விழுந்தது என்று எழுதியிருக்கிறபடியே நடந்தார்.”

- பலவீனமாயிருக்கிற சத்தியமறியாதவர்கள், படிப்பறிவில்லாதவர்கள், விசுவாசமில்லாதவர்கள் போன்றவர்களை தாங்க வேண்டும்.

"நம்முடைய விசுவாசம் மற்றவர்களை பலவீனப்படுத்தாமல் பலப்படுத்தப்படுகிறவைகளாக இருக்க வேண்டும்."

2கொரி: 11:29 – “ஒருவன் பலவீனனானால் நானும் பலவீனனாகிறதில்லையோ? ஒருவன் இடறினால் என் மனம் எரியாதிருக்குமோ?” 

– நமக்கு ஒரு பொறுப்புணர்வு, உக்கிராணத்துவம் உண்டு.

பலவீனத்திற்கான காரணங்களும் பரிகாரங்களும்


1.   வியாதி பெலவீனம்:


காரணம்:

1கொரி: 11:30 – “இதினிமித்தம், உங்களில் அநேகர் பலவீனரும் வியாதியுள்ளவர்களுமாயிருக்கிறார்கள்; அநேகர் நித்திரையும் அடைந்திருக்கிறார்கள்.”

கர்த்தருடைய கட்டளைகளை மீறி நடப்பதினால், வியாதி பலவீனம் வருகிறது.

1கொரி: 11:29 – “என்னத்தினாலெனில், அபாத்திரமாய்ப் போஜனபானம்பண்ணுகிறவன், கர்த்தருடைய சரீரம் இன்னதென்று நிதானித்து அறியாததினால், தனக்கு ஆக்கினைத்தீர்ப்பு வரும்படி போஜனபானம் பண்ணுகிறான்.”

- திருவிருந்தை பயத்துடனும் பக்தியுடனும் ஆசரிக்க வேண்டும். பரிசுத்தமாய் வாழ வேண்டும்.

பரிகாரம்:

தவறு செய்து விட்டால், தாவீதை போல் உபவாசமிருந்து ஜெபிக்க வேண்டும். நாம் உபவாசமிருந்து ஜெபிக்கும் போது நம்மை நாமே நிதானிக்க செய்வார்.

"நம் நல்மனசாட்சிக்கு உயிர் கொடுப்பது உபவாசம்."

1கொரி: 11:31,32 – “நம்மை நாமே நிதானித்து அறிந்தால் நாம் நியாயந்தீர்க்கப்படோம். நாம் நியாயந்தீர்க்கப்படும்போது உலகத்தோடே ஆக்கினைக்குள்ளாகத் தீர்க்கப்படாதபடிக்கு,   கர்த்தராலே  சிட்சிக்கப்படுகிறோம்.”

"உபவாசம் என்பது நம்மை நாமே பார்க்கும் கண்ணாடி."

நாம் நியாயத்தீர்ப்பில் இடப்பக்கம் நிற்காமல் இருப்பதற்கு பூமியிலிருக்கும் போதே, உபவாசமிருந்து கர்த்தராலே சிட்சிக்கப்படவேண்டும். 

2.   விசுவாச பெலவீனம்:

ரோம: 4:19 – “அவன் விசுவாசத்திலே பலவீனமாயிருக்கவில்லை; அவன் ஏறக்குறைய நூறு வயதுள்ளவனாயிருக்கும்போது, தன் சரீரம் செத்துப்போனதையும், சாராளுடைய கர்ப்பம் செத்துப்போனதையும் எண்ணாதிருந்தான்.”

வாழ்வில் பிரச்சனைகள் வந்தாலும் விசுவாசம் பலவீனப்படக்கூடாது. ஆபிரகாம் 100 வயது வரையிலும் பிள்ளையில்லாதிருந்தும் அவன் விசுவாசம் குறையவில்லை.

"தேவன் உனக்கு கொடுத்தாலும் கொடுக்காவிட்டாலும் அவர் மேல் விசுவாசம் வை; நீ விரும்பும் யாவும் திரும்ப கொடுக்கப்படும்"

சாராளின் கர்ப்பம் செத்து போனது. இருந்தாலும் அவர்களின் விசுவாசம் குறையவில்லை. வாக்களித்த தேவனை மேலும் விசுவாசித்தார்கள்.

        "செத்து போனவைகளை பார்க்காதே;              
உயிருள்ள இயேசுவை நோக்கி பார்!"

ரோம: 14:1 – “விசுவாசத்தில் பலவீனமுள்ளவனைச் சேர்த்துக் கொள்ளுங்கள்; ஆனாலும் அவனுடைய மன ஐயங்களைக் குற்றமாய் நிர்ணயிக்காமலிருங்கள்.”

எபி: 11:34 – “அக்கினியின் உக்கிரத்தை அவித்தார்கள், பட்டயக்கருக்குக்குத் தப்பினார்கள், பலவீனத்தில் பலன்கொண்டார்கள், யுத்தத்தில் வல்லவர்களானார்கள், அந்நியருடைய சேனைகளை முறியடித்தார்கள்.” – விசுவாசத்தினாலே – அதிகாரம் முழுவதும்

3.   மாம்ச பெலவீனம்:

மத்: 26:41 – “நீங்கள் சோதனைக்குட்படாதபடிக்கு விழித்திருந்து ஜெபம்பண்ணுங்கள்; ஆவி உற்சாகமுள்ளதுதான், மாம்சமோ பலவீனமுள்ளது என்றார்.”

ரோம: 6:19 – “உங்கள் மாம்ச பலவீனத்தினிமித்தம் மனுஷர் பேசுகிற பிரகாரமாய்ப் பேசுகிறேன். அக்கிரமத்தை நடப்பிக்கும்படி முன்னே நீங்கள் உங்கள் அவயவங்களை அசுத்தத்திற்கும் அக்கிரமத்திற்கும் அடிமைகளாக ஒப்புக்கொடுத்ததுபோல, இப்பொழுது பரிசுத்தமானதை நடப்பிக்கும்படி உங்கள் அவயவங்களை நீதிக்கு அடிமைகளாக ஒப்புக்கொடுங்கள்.”

ரோம: 8:2,3 – “கிறிஸ்து இயேசுவினாலே ஜீவனுடைய ஆவியின் பிரமாணம் என்னைப் பாவம் மரணம் என்பவைகளின் பிரமாணத்தினின்று விடுதலையாக்கிற்றே. அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்.”

4.   ஜெபத்தில் பெலவீனம்:

ரோம: 8:26 – “அந்தப்படியே ஆவியானவரும் நமது பலவீனங்களில் நமக்கு உதவிசெய்கிறார். நாம் ஏற்றபடி வேண்டிக்கொள்ள வேண்டியதின்னதென்று அறியாமலிருக்கிறபடியால், ஆவியானவர்தாமே வாக்குக்கடங்காத பெருமூச்சுகளோடு நமக்காக வேண்டுதல் செய்கிறார்.”

5.   தேவனுடைய பலவீனம்:


1கொரி: 1:27 – “…பலமுள்ளவைகளை வெட்கப்படுத்தும்படி தேவன் உலகத்தில் பலவீனமானவைகளைத் தெரிந்துகொண்டார்”

- பலவீனமான நம்மை பலமுள்ளவர்களாக மாற்றவும், பலமுள்ளவர்களை அவமாக்கவும் நம்மை தேவன் தெரிந்து கொண்டார். 

"கோலியாத்தை வீழ்த்த பலமுள்ள ஆயுதத்தை அல்ல; பலவீனமான
 கல்லைக் கொண்டு, பலவீனமான தாவீது மூலமாக பலமுள்ள கோலியாத்தை தேவன் ஜெயித்தார்."

1கொரி: 1:29 – “மாம்சமான எவனும் தேவனுக்கு 0முன்பாகப் பெருமை பாராட்டாதபடிக்கு அப்படிச் செய்தார்.”

2கொரி: 13:3 – “கிறிஸ்து எனக்குள்ளே பேசுகிறாரென்பதற்கு அத்தாட்சி தேடுகிறீர்களே; அவர் உங்களிடமாய்ப் பலவீனரல்ல, உங்களிடத்தில் வல்லவராயிருக்கிறார்.”

2கொரி: 13:4 – “ஏனெனில் அவர் பலவீனத்தால் சிலுவையில் அறையப்பட்டிருந்தும், தேவனுடைய வல்லமையினால் பிழைத்திருக்கிறார்; அப்படி நாங்களும் அவருக்குள் பலவீனராயிருந்தும், உங்களிடமாய் விளங்கிய தேவனுடைய வல்லமையினால் அவருடனேகூடப் பிழைத்திருப்போம்.”

முடிவுரை:

பலவீனம் பற்றிய அப்.பவுலின் சாட்சி …

2கொரி: 12:9 – “அதற்கு அவர்: என் கிருபை உனக்குப்போதும்; 
பலவீனத்திலே என் பலம் பூரணமாய் விளங்கும் என்றார். ஆகையால், கிறிஸ்துவின் வல்லமை என்மேல் தங்கும்படி, என் பலவீனங்களைக் குறித்து நான் மிகவும் சந்தோஷமாய் மேன்மைபாராட்டுவேன்”

2கொரி: 12:10 – “அந்தப்படி நான் பலவீனனாயிருக்கும்போதே பலமுள்ளவனாயிருக்கிறேன்; ஆகையால் கிறிஸ்துவினிமித்தம் எனக்குவரும் பலவீனங்களிலும், நிந்தைகளிலும், நெருக்கங்களிலும், துன்பங்களிலும், இடுக்கண்களிலும் நான் பிரியப்படுகிறேன்.”                          
பிலி: 4:13 – “என்னைப் பெலப்படுத்துகிற கிறிஸ்துவினாலே எல்லாவற்றையுஞ்செய்ய எனக்குப் பெலனுண்டு.”

 ஆமென்!


ஞாயிறு, 17 மார்ச், 2019

நானே சர்வ வல்லமையுள்ள தேவன்


நானே சர்வ வல்லமையுள்ள தேவன்

ஆதியாகமம்:35:11 பின்னும் தேவன் அவனை நோக்கி: நான் சர்வவல்லமையுள்ள தேவன், நீ பலுகிப் பெருகுவாயாக; ஒரு ஜாதியும் பற்பல ஜாதிகளின் கூட்டங்களும் உன்னிடத்திலிருந்து உண்டாகும்; ராஜாக்களும் உன் சந்ததியில் பிறப்பார்கள்.”

நாம் ஆராதிக்கும் கர்த்தர் “எல்ஷடாய் - சர்வ வல்லமையுள்ள தேவன்”

எல்ஷடாய் :
ஆபிரகாமுக்கு கர்த்தர் “எல்ஷடாய்” என்ற நாமத்தின் மூலம் சந்தித்து அவனை ஆசீர்வதித்தார்.

ஆதியாகமம்:17:1,2 ஆபிராம் தொண்ணூற்றொன்பது வயதானபோதுகர்த்தர் ஆபிராமுக்குத் தரிசனமாகி: நான் சர்வவல்லமையுள்ள தேவன்; நீ எனக்கு முன்பாக நடந்துகொண்டு உத்தமனாயிரு. நான் உனக்கும் எனக்கும் நடுவாக என் உடன்படிக்கையை ஏற்படுத்தி, உன்னை மிகவும் திரளாய்ப் பெருகப்பண்ணுவேன் என்றார்.”

  • வாழ்வாதாரத்தை தரும் தேவன்

ரோமர்:4:19 அவன் விசுவாசத்திலே பலவீனமாயிருக்கவில்லை; அவன் ஏறக்குறைய நூறு வயதுள்ளவனாயிருக்கும்போது, தன் சரீரம் செத்துப்போனதையும், சாராளுடைய கர்ப்பம் செத்துப்போனதையும் எண்ணாதிருந்தான்.”

-    சாராளின் கர்ப்பம் செத்து போயிற்று; இருந்தாலும் அவன் அதை எண்ணாதிருந்தான். ஏனென்றால், வாக்குப்பண்ணின தேவன் அதை நிறைவேற்றுவார். உடன்படிக்கை பண்ணினவர் அதை நிறைவேற்ற வல்லவராயிருக்கிறார் என்பதை ஆபிரகாம் நன்றாக அறிந்திருந்தான்.

-    தேவன் நம் சூழ்நிலைகளை பயன்படுத்தி, தமது சர்வ வல்லமையை நம் வாழ்வில் வெளிப்படுத்துவார். ஆனால், நாம் அதை அறிவதில்லை; அதனால் தேவன் ஏன் சோதனைகளை அனுமதித்தார் என்று அவரை கேள்விக்கேட்கிறோம்.

எபிரேயர்:11:11 விசுவாசத்தினாலே சாராளும் வாக்குத்தத்தம்பண்ணினவர் உண்மையுள்ளவரென்றெண்ணி, கர்ப்பந்தரிக்கப் பெலனடைந்து, வயதுசென்றவளாயிருந்தும் பிள்ளைபெற்றாள்.”

-    சாராளின் செத்துப்போன கர்ப்பத்தை எல்ஷடாய் தேவன் உயிர்ப்பித்தார். வெறுமையை தேவன் மாற்றுவார். அதேபோல நம்முடைய வாழ்விலும் செத்துப்போன நிலையில் இருக்கும் எல்லா காரியங்களையும் உயிர்ப்பிக்க எல்ஷடாய் தேவனால் முடியும்.

-    ஆபிரகாம் சாராள் இருவரும் பிள்ளை இல்லாமல் எத்தனை நாள் ஏங்கியிருப்பார்கள்?! தனக்கு ஒரு வாரிசு இல்லையே என்று மனமுடைந்து இருந்த அவர்கள், தங்கள் வாழ்க்கையில் தேவனை பின்பற்றி அவருடைய வாக்குத்தத்தங்களை விசுவாசித்தார்கள். வாக்குத்தத்தங்கள் குறிப்பிட்ட காலங்களில் நிறைவேறியது.
  •   ஆசீர்வாதத்தை தரும் தேவன்

யோபு:1:1 – “ஊத்ஸ் தேசத்திலே யோபு என்னும் பேர்கொண்ட ஒரு மனுஷன் இருந்தான்; அந்த மனுஷன் உத்தமனும் சன்மார்க்கனும், தேவனுக்குப் பயந்து, பொல்லாப்புக்கு விலகுகிறவனுமாயிருந்தான்.”

-    யோபு உத்தமனாக, தேவனுக்கு பயந்தவனாக, மிகுந்த ஆஸ்தியுள்ளவனாக வாழ்ந்து வந்தான். ஆனால் கர்த்தர் அவன் வாழ்வில் சோதனைகளை அனுமதித்தார். அதற்காக அவன் கர்த்தரை மறுதலிக்கவோ தூஷிக்கவோ இல்லை. மாறாக சோதனைகளை சகித்து கொண்டான்.

யோபு:1:22 - இவையெல்லாவற்றிலும் யோபு பாவஞ்செய்யவுமில்லை, தேவனைப்பற்றிக் குறைசொல்லவுமில்லை.”

-    இதையெல்லாம் பார்த்துக்கொண்டே இருந்தே தேவன் அவனை இன்னும் பல மடங்கு ஆசீர்வதித்தார்.

யோபு:5:17இதோ, தேவன் தண்டிக்கிற மனுஷன் பாக்கியவான்; ஆகையால் சர்வவல்லவருடைய சிட்சையை அற்பமாக எண்ணாதிரும்.”

“சர்வ வல்லவருடைய சிட்சை அற்பமானது அல்ல; அது நம்மை பண்படுத்தி, நம்மை விளைச்சலுக்கு ஆயத்தப்படுத்துகிறது.”

யோபு:42:12கர்த்தர் யோபின் முன்னிலைமையைப் பார்க்கிலும் அவன் பின்னிலைமையை ஆசீர்வதித்தார்; பதினாலாயிரம் ஆடுகளும், ஆறாயிரம் ஒட்டகங்களும், ஆயிரம் ஏர்களும், ஆயிரம் கழுதைகளும் அவனுக்கு உண்டாயின.”
  •   தன்னிறைவை தரும் தேவன்

ரூத்:1:20,21அதற்கு அவள்: நீங்கள் என்னை நகோமி என்று சொல்லாமல், மாராள் என்று சொல்லுங்கள்; சர்வவல்லவர் எனக்கு மிகுந்த கசப்பைக் கட்டளையிட்டார். நான் நிறைவுள்ளவளாய்ப் போனேன்கர்த்தர் என்னை வெறுமையாய்த் திரும்பிவரப்பண்ணினார்கர்த்தர் என்னைச் சிறுமைப்படுத்தி, சர்வவல்லவர் என்னைக் கிலேசப்படுத்தியிருக்கையில், நீங்கள் என்னை நகோமி என்பானேன் என்றாள்.”

-     பஞ்ச காலத்திலே அப்பத்தின் வீடாகிய பெத்லகேமை விட்டு, புறஜாதிய நாடான மோவாபுக்கு நிறைவாக போன நகோமி குடும்பம், யாவற்றையும் இழந்து திரும்பவும் தன்னுடைய சொந்த ஜனத்தாரிடத்திற்கு வந்தார்கள்.
-     தேவன் நிரப்ப நினைத்தால், அதற்கு முன் கண்டிப்பாக வெறுமையாக்குவார். பின் நம்மை நிறைவுள்ளவர்களாக மாற்றுவார்.

“அவர் தன்னில் தானே நிறைவுள்ள தேவன். அவரில் குறைவுகளே இல்லை. அவர் நம்முடைய குறைவுகளை நிறைவாக்க போதுமானவர்”

யோவான்:15:5நானே திராட்சச்செடி, நீங்கள் கொடிகள். ஒருவன் என்னிலும் நான் அவனிலும் நிலைத்திருந்தால், அவன் மிகுந்த கனிகளைக் கொடுப்பான்; என்னையல்லாமல் உங்களால் ஒன்றும் செய்யக்கூடாது.”

ஒருவேளை நகோமி தன்னுடைய குடும்பத்தாரை இழக்காதிருந்தால், தேவனுடைய மீட்பின் திட்டம் ரூத் மூலமாக நிறைவேறியிருக்காது. தேவனின் நினைவுகள் நம் நினைவுகள் போல அல்ல.

நகோமியின் வாழ்வில் பெரிய மாற்றம் நடந்தது. தனக்கு தேவன் இவ்வளவு சோதனைகளை அனுமதித்து விட்டாரே என்று மனம் சோர்ந்து போனாலும், பின் தேவனின் திட்டத்திற்கு ஒப்புக்கொடுத்தாள். ரூத் மூலமாக தாவீதின் வம்ச வரலாறு தொடங்கியது. அந்த வம்சத்தில் இயேசு கிறிஸ்து பிறந்தார்.

எல்ஷடாய் தேவனால் ஆகாத காரியம் ஒன்றுமில்லை. அவர் நித்தியமானவர். அவர் நமக்கு அளித்த வாக்குத்தத்தங்களை ஏற்ற வேளையில் நிறைவேற்றுவார். அவருடைய சர்வ வல்லமையை தேவன் நம் மூலமாக வெளிப்படுத்துவார்.

மோசே மூலம் பார்வோனிடம் தம்முடைய சர்வ வல்லமையை வெளிப்படுத்தின தேவன், நம் மூலமாக நம்மை சுற்றிலும் உள்ளவர்களிடம் அவரின் வல்லமையை வெளிப்படுத்துவார். அப்போது, நம் சத்துருக்கள் சிதறுண்டு போவார்கள்.

சர்வ வல்லமையுள்ள தேவன் நம்மிடம் உடன்படிக்கையை ஏற்படுத்த நாம் என்ன செய்ய வேண்டும்?


தேவன் யாக்கோபுக்கு உடன்படிக்கை ஏற்படுத்த “சர்வ வல்லமையுள்ளவர்” என்ற நாமத்தில் வெளிப்பட்டார்.

யாக்கோபு தன் சகோதரனாகிய ஏசாவுக்கு பயந்து விலகி ஓடி வந்த இடத்திற்கு போய், தேவன் ஒரு பலிபீடத்தை உண்டாக்கும் படி சொன்னார்.

ஆதியாகமம்:35:1,2 – தேவன் யாக்கோபை நோக்கி: நீ எழுந்து பெத்தேலுக்குப் போய், அங்கே குடியிருந்து, நீ உன் சகோதரனாகிய ஏசாவின் முகத்திற்கு விலகி ஓடிப்போகிறபோது, உனக்குத் தரிசனமான தேவனுக்கு அங்கே ஒரு பலிபீடத்தை உண்டாக்கு என்றார். அப்பொழுது யாக்கோபு தன் வீட்டாரையும் தன்னோடேகூட இருந்த மற்ற அனைவரையும் நோக்கி: உங்களிடத்தில் இருக்கிற அந்நிய தெய்வங்களை விலக்கிப்போட்டு, உங்களைச் சுத்தம்பண்ணிக்கொண்டு, உங்கள் வஸ்திரங்களை மாற்றுங்கள்.”

யாக்கோபு ஏசாவுக்கு பயந்து ஓடி வந்த போது மிகுந்த பயத்தோடு கர்த்தரை சேவித்து கொண்டிருந்தான். பயபக்தியுடன் இருந்தான். அவனை குறித்து கர்த்தரின் திட்டத்தை அறியாதவனாக இருந்தான். ஆகவே கர்த்தர் அவனை திரும்ப அதே இடத்திற்கு போய் பலிபீடத்தை உண்டாக்க சொன்னார்.
1.  உனக்கு தரிசனமான தேவனுக்கு பலிபீடத்தை உண்டாக்கு 
2. அந்நிய தெய்வங்களை விலக்கிப்போடு
3. உன்னை சுத்தம் பண்ணிக்கொள்

-     இந்த உபவாச நாட்களில் நம்மை நாமே உய்த்து ஆராய வேண்டும். நாம் எதில் குறைவாக இருக்கிறோம் என்பதை கண்டுபிடித்து சரி செய்ய வேண்டும்.
                               
1.    பலிபீடத்தை உண்டாக்க வேண்டும்:

ஆதியாகமம்:35:7 – “அங்கே அவன் ஒரு பலிபீடத்தைக் கட்டி, தன் 
சகோதரனுடைய முகத்துக்குத் தப்பி ஓடினபோது, அங்கே தனக்கு தேவன் தரிசனமானபடியால், அந்த ஸ்தலத்திற்கு ஏல்பெத்தேல் என்று பேரிட்டான்.”

ஏல்பெத்தேல் – தேவனின் வீடு

ஆதியாகமம்:28:17அவன் பயந்து, இந்த ஸ்தலம் எவ்வளவு பயங்கரமாயிருக்கிறது! இது தேவனுடைய வீடேயல்லாமல் வேறல்ல, இது வானத்தின் வாசல் என்றான்.”

பெத்தேலின் சிறப்பம்சம்:
        பெத்தேல் “தேவனுடைய வீடு” எனப்படும். தேவன் யாக்கோபுக்கு தன்னுடைய உடன்படிக்கையை பெத்தேலில் கொடுக்கிறார்.
-                       பெத்தேலில் ரெபேக்காளின் தாதியாகிய தெபோராளை கர்வாலி மரத்தின் கீழ் அடக்கம் செய்யப்பட்டாள். (ஆதியாகமம்:35:8) அதே மரத்தின் கீழ் உட்கார்ந்து, நியாயாதிபதிகள் காலத்தில் தெபோராள் இஸ்ரவேலை நியாயம் விசாரித்து வந்தாள். (நியாயாதிபதிகள்:4:5)
-                       கர்த்தர் தம்முடைய தீர்க்கதரிசிகளை பெத்தேலுக்கு அனுப்பி தம்முடைய நியாயத்தீர்ப்பை கொடுத்துக்கொண்டே இருந்தார். ஏனென்றால் பெத்தேலில் விக்கிரகவழிபாடு இருந்தது. (ஆமோஸ்:3:14)

தேவனுடைய வீடாகிய பெத்தேலை பரிசுத்தமாக வைத்துக்கொள்ள வேண்டும். நாமே தேவன் தங்கும் வீடாக இருக்கிறோம்.

1கொரிந்தியர்:3:17ஒருவன் தேவனுடைய ஆலயத்தைக்கெடுத்தால், அவனை தேவன் கெடுப்பார்; தேவனுடைய ஆலயம் பரிசுத்தமாயிருக்கிறது; நீங்களே அந்த ஆலயம்.”

தேவன் வாழும் நம் உள்ளத்தில் பரிசுத்தம் இருக்க வேண்டும். பலிபீடத்தில் அர்ப்பணிக்கப்பட வேண்டியவை பரிசுத்தமாகவும் சுத்தமாகவும் இருக்க வேண்டும். பூரணமாகவும் இருக்க வேண்டும். ஆபேலை போல தேவன் அங்கீகரிக்கும்படியான பலியை முழுமனதோடு செலுத்த வேண்டும்.

ஆதியாகமம்:4:4ஆபேலும் தன் மந்தையின் தலையீற்றுகளிலும் அவைகளில் கொழுமையானவைகளிலும் சிலவற்றைக் கொண்டுவந்தான். ஆபேலையும் அவன் காணிக்கையையும் கர்த்தர் அங்கிகரித்தார்.”

நம்மை நாமே பலியாக தேவ சமூகத்தில் ஒப்புக்கொடுக்க வேண்டும். ஏனென்றால், தேவன் தம்முடைய ஒரே பேறான குமாரனை நமக்காக கல்வாரி சிலுவையில் பலியாக ஒப்புக்கொடுத்தார். அவருடைய சமூகத்தில் நம்மை நாமே ஒப்புக்கொடுத்து முழுஉள்ளத்தோடு அவரை ஆராதிக்க வேண்டும்.

2.   அந்நிய தெய்வங்களை விலக்கிப்போடவேண்டும்

யாத்திராகமம்:20:4மேலே வானத்திலும், கீழே பூமியிலும், பூமியின்கீழ்த் தண்ணீரிலும் உண்டாயிருக்கிறவைகளுக்கு ஒப்பான ஒரு சொரூபத்தையாகிலும் யாதொரு விக்கிரகத்தையாகிலும் நீ உனக்கு உண்டாக்க வேண்டாம்

நம்மிடம் அந்நிய தெய்வங்களுக்குரிய எந்தவொரு அச்சடையாளங்களும் இருக்கக்கூடாது; விக்கிரக ஆராதனை தேவனின் பார்வையில் அருவருப்பானது.

2கொரிந்தியர்:6:14-18அந்நிய நுகத்திலே அவிசுவாசிகளுடன் பிணைக்கப்படாதிருப்பீர்களாக; நீதிக்கும் அநீதிக்கும் சம்பந்தமேது? ஒளிக்கும் இருளுக்கும் ஐக்கியமேது? கிறிஸ்துவுக்கும் பேலியாளுக்கும் இசைவேது? அவிசுவாசியுடனே விசுவாசிக்குப் பங்கேது? தேவனுடைய ஆலயத்துக்கும் விக்கிரகங்களுக்கும் சம்பந்தமேது? நான் அவர்களுக்குள்ளே வாசம்பண்ணி, அவர்களுக்குள்ளே உலாவி அவர்கள் தேவனாயிருப்பேன், அவர்கள் என் ஜனங்களாயிருப்பார்கள் என்று, தேவன் சொன்னபடி, நீங்கள் ஜீவனுள்ள தேவனுடைய ஆலயமாயிருக்கிறீர்களே. ஆனபடியால், நீங்கள் அவர்கள்  நடுவிலிருந்து புறப்பட்டுப் பிரிந்துபோய், அசுத்தமானவைகளைத் தொடாதிருங்கள் என்று  கர்த்தர்  சொல்லுகிறார். அப்போது, நான் உங்களை ஏற்றுக்கொண்டு, உங்களுக்குப் பிதாவாயிருப்பேன், நீங்கள் எனக்குக் குமாரரும் குமாரத்திகளுமாயிருப்பீர்களென்று சர்வவல்லமையுள்ள கர்த்தர் சொல்லுகிறார்.”

1யோவான்:5:21பிள்ளைகளே, நீங்கள் விக்கிரகங்களுக்கு விலகி, உங்களைக் காத்துக்கொள்வீர்களாக. ஆமென்.”

விக்கிரக ஆராதனை என்பது கல்லால் ஆன சிற்பங்களை தொழுது கொள்வது மட்டுமல்ல; இறந்தவர்களை தொழுதுகொள்வது, நமக்கு பிடித்த பிரபலமானவர்களை நமஸ்கரிப்பது போன்ற காரியங்களும் விக்கிரக ஆராதனை தான்.

1கொரிந்தியர்:10:14 – “ஆகையால் எனக்குப் பிரியமானவர்களே, விக்கிரகாராதனைக்கு விலகி ஓடுங்கள்.”

ஆகையால் யாக்கோபு தன்னிடமும் தன் ஜனங்களிடமும் உள்ள அந்நிய தெய்வங்களின் சுரூபங்களை கர்வாலி மரத்தின் கீழ் புதைத்தான். யாக்கோபு தன்னை மாத்திரம் அல்ல தன் குடும்பத்தாரையும் தன் ஜனங்களையும் செவ்வைப்படுத்தினான்.

3.   உன்னை சுத்தம் பண்ணிக்கொள்

தேவன் நம்மிடம் அதிகம் எதிர்பார்ப்பது “பரிசுத்தம்” மட்டுமே. ஏனென்றால் அவர் பரிசுத்தர். அவர் பாவத்தை பாராத சுத்த கண்ணராக இருக்கிறார்.
நாம் பரிசுத்தமாயிருந்தால் தேவன் நம்மில் நிரந்தரமாக வாசம் செய்வார். ஏனெனில் நாமே அவர் தங்கும் ஆலயம். அவர் தங்கும் ஆலயமாகிய நம் உள்ளத்தை சுத்தமாக காத்துக் கொள்ள வேண்டும்.

லேவியராகமம்:11:45 நான் உங்கள் தேவனாயிருக்கும்படி உங்களை எகிப்து தேசத்திலிருந்து வரப்பண்ணின கர்த்தர், நான் பரிசுத்தர்; ஆகையால், நீங்களும் பரிசுத்தராயிருப்பீர்களாக.”

சில வேளையில் பழைய மனுஷனுக்குரிய நடக்கைகள் வரும். அதை களைந்து போட வேண்டும். இரட்சிக்கப்படுவதற்கு முன் செய்த காரியங்கள் நினைவுக்கு வரும்; ஆனால் அவை எல்லாவற்றிலேயும் நாம் இயேசு கிறிஸ்துவின் நாமத்திலே ஜெயங்கொள்ள வேண்டும்.

எபேசியர்:4:22-24அந்தப்படி, முந்தின நடக்கைக்குரிய மோசம்போக்கும் இச்சைகளாலே கெட்டுப்போகிற பழைய மனுஷனை நீங்கள் களைந்துபோட்டு, உங்கள் உள்ளத்திலே புதிதான ஆவியுள்ளவர்களாகி, மெய்யான நீதியிலும் பரிசுத்தத்திலும் தேவனுடைய சாயலாக சிருஷ்டிக்கப்பட்ட புதிய மனுஷனைத் தரித்துக்கொள்ளுங்கள்.”

யோசுவா:3:5யோசுவா ஜனங்களை நோக்கி: உங்களைப் பரிசுத்தம்பண்ணிக்கொள்ளுங்கள்; நாளைக்குக்  கர்த்தர்  உங்கள்  நடுவிலே அற்புதங்களைச் செய்வார் என்றான்.”

நம்மை சுத்தமாக காத்துக்கொள்ள…
 “பாவத்திற்கு விலகி ஓடு; பிசாசிற்கு எதிர்த்து நில்”

எப்படி சுத்தம் பண்ணவேண்டும்?

1.  வேதவசனத்தினால்
சங்கீதம்:119:9 வாலிபன் தன் வழியை எதினால் சுத்தம்பண்ணுவான்? உமது வசனத்தின்படி தன்னைக் காத்துக்கொள்ளுகிறதினால்தானே.”

யோவான்:17:17 – “உம்முடைய சத்தியத்தினாலே அவர்களைப் பரிசுத்தமாக்கும்; உம்முடைய வசனமே சத்தியம்.”

-   -    ஒருவன் தன்னை சுத்தப்படுத்திக்கொள்ள வேண்டுமானால் அவன் வேதவசனத்தை நன்கு கற்று அதின்படி வாழ்வதினால் மட்டுமே ஆகும்.
-    
  - வேதவசனம் அவன் கால்கள் தீமைக்குள் நடவாதபடி ஏற்ற நேரத்தில் அவனை எச்சரித்து செவ்வைப்படுத்தும்.


                           2.   ஜெபிப்பதினால்

அனுதினமும் நாம் ஜெபிப்பதினால், உலகம் மாம்சம் பிசாசு நம்மை மேற்கொள்ளாது.

·         உலகம் – பூமிக்குரிய கீழானவைகளை போதிக்கும்; அபத்தமானவைகளை போதிக்கும்; இழிவானவைகளை போதிக்கும்.

·         மாம்சம் – மாம்சத்தின் கிரியைகளை போதிக்கும்  (கலாத்தியர்:5:19,20)

·         பிசாசு – நரகத்துக்கு கொண்டு செல்வான்.

எனவே, நாம் தினமும் ஜெபிப்பதினால் நம் வழியை செவ்வைப்படுத்திக்கொள்ள முடியும்.

                         3 பரிசுத்த ஆவியின் நிறைவு

அப்போஸ்தலர்:2:3 அல்லாமலும் அக்கினிமயமான நாவுகள்போலப் பிரிந்திருக்கும் நாவுகள் அவர்களுக்குக் காணப்பட்டு அவர்கள் ஒவ்வொருவர்மேலும் வந்து அமர்ந்தது.”

பரிசுத்த ஆவியின் அக்கினி நமக்குள்ளே வரும் போது, நம்முடைய ஆவி ஆத்துமா சரீரம் சுட்டெரிக்கப்படும். பரிசுத்த அக்கினி வரும்போது அசுத்தங்கள் சுட்டெரிக்கப்படும்.

-    பழைய ஏற்பாட்டில் … அக்கினி முட்செடியில் எரிந்தது; குத்துவிளக்கில் எரிந்தது; பலிபீடத்தில் எரிந்தது. முட்செடிக்கும் குத்துவிளக்குக்கும் ஒன்றும் ஆகவில்லை; ஆனால் பலிபீடத்தில் இருந்த பலிமிருகத்தை அக்கினி பட்சித்தது.

-    நம்மை நாமே பலிபீடத்தில் ஒப்புக்கொடுத்தால், பரிசுத்த ஆவியின் அக்கினி நம்மில் இருக்கும் வேண்டாத அசுத்தங்களை சுட்டெரிக்கும். நம்மை பரிசுத்த ஆவியானவர் சுத்தப்படுத்துவார்.



இம்மூன்று காரியங்களையும் யாக்கோபு செய்ததினால், அவனை சர்வ வல்லமையுள்ள தேவன் ஆசீர்வதித்து உடன்படிக்கை பண்ணினார்.

"எத்தனாக இருந்த யாக்கோபு இஸ்ரவேலாக 

மாறினான்."


நாமும் யாக்கோபை போல இந்த 3 காரியங்களிலும் நம்மை செவ்வைப்படுத்திக்கொண்டால், சர்வ வல்லமையுள்ள தேவன் நம்மோடும் நம் சந்ததியோடும் உடன்படிக்கை பண்ணுவார்.

ஆமென்!


















... தங்களின் வருகைக்கு நன்றி! ... மீண்டும் வருக! ... பயன்பெறுக! ... இயேசுவை பறைசாற்றுக! ...
Blogger Templates
Related Posts Plugin for WordPress, Blogger...